कृषि
भुम्लु गाउँपालिकाको गज्जबको कामः गुन्द्रुक बनाउन किसानसंग साग किन्ने
काभ्रेपलाञ्चोक जिल्लाको भुम्लु गाउँपालिकाले राम्रो कामको थालनी गरेको छ ।
पछिल्लो समय साग बिक्री नभएर चिन्तित किसानलाई राहत दिने गरी गाउँपालिकाले आज एक सूचना जारी गरेको छ ।
गाउँपालिकाले आफ्नो गाउँपालिकाभित्रका किसानले उत्पादन गरेको साग किनिदिने भएको हो । प्रतिकिलो २५ रुपैयाँका दरले किसानसंग साग खरिद गर्ने प्रमुख प्रशासकीय अधिकृत कृष्ण बहादुर खत्रीले जारी गरेको सूचनामा भनिएको छ ।
किसानसंग खरिद गरिएको सागबाट गुन्द्रुक बनाइने गाउँपालिकाले जनाएको छ । पन्ध्र दिनभित्र आफुसंग रहेको सागको परिणाम सहित गाउँपालिकाको कृषि विकास शाखामा जानकारी गराउन सूचना मार्फत भनिएको छ ।
