अर्थ
असोज ९ गतेदेखि ‘बनेपा महोत्सव’ हुने
राजधानी पूर्वको प्रमुख ब्यापारिक केन्द्र बनेपामा महोत्सव हुने भएको छ ।
असोज ९ देखि २४ गतेसम्म ‘बनेपा महोत्सव’ हुन लागेको हो । महोत्सव बनेपा नगरपालिका वडा नम्बर ७ मा रहेको उग्रेश्वर मन्दिर परिसरको खाली जग्गामा संचालन हुनेछ ।
महोत्सवको आयोजना बनेपा ब्वाईज क्लब (विविसी) ले गरेको हो । क्लबका अध्यक्ष महेश कुमार कर्माचार्यका अनुसार बनेपा महोत्सवको यो पाँचौं संस्करण हो ।
महोत्सव नेपालीहरुको मुख्य चाड दशैंलाई लक्षित गरेर आयोजना हुँदै आएको छ । फुलपातीको दिनसम्म महोत्सव सञ्चालन हुनेछ । महोत्सवको पाँचौँ संस्करण भव्य बनाउन तयारी सुरु गरिसकेको अध्यक्ष कर्माचार्यले बताउनुभयो ।
