नेपाली काँग्रेसको १४ औँ महाधिवेशनमा काभ्रेका नेता शिव हुमागाई शेर बहादुर देउवा प्यानलबाट निर्वाचनमा होमिने पक्का भएको छ ।
कृष्ण प्रसाद सिटौला निकटका हुमागाईले सह महामन्त्रीमा उम्मेदवारी दिनु हुनेछ । यो पटक सिटौलाले दुई जना नेतालाई देउवाको प्यानलबाट ब्यवस्थापन गर्न खोज्नु भएको छ । अर्थात सिटौलाले देउवालाई समर्थन गर्ने सम्भावना निकै बढेको छ ।
प्रदिप पौडेल र शिव हुमागाईलाई सिटौलाले ब्यवस्थापन गर्न खोज्नु भएको हो । पौडेले महामन्त्रीमा उम्मेदवारी दिनुहुनेछ । काभ्रे काँग्रेसका नवनिर्वाचित सभापति तीर्थ लामाले दुई पटक सभापति शेर बहादुर देउवालाई भेटेरै शिवको ब्यवस्थापनका बारे कुरा गरिसक्नुभएको छ ।
यसअघि जिल्ला वडा, पालिका, प्रदेश निर्वाचन क्षेत्र, संघीय निर्वाचन क्षेत्र र जिल्ला अधिवेशनमा देउवा पक्षको तीर्थ लामा र हुमागाई एउटै समूह बनाएर मधु आचार्य प्यानल विरुद्ध उभिएका थिए । त्यसैको गुण तिर्न हुमागाईलाई सहमहामन्त्री बनाउन सभापति तिर्थ लामाको टोली सक्रिय छ ।
काभ्रे काँग्रेसका निर्वमान सभापति मधु आचार्यले केन्द्रीय सदस्यमा उम्मेदवारी दिनु हुने भएको छ । उहाँले रामचन्द्र पौडेलको समूहबाट केन्द्रीय सदस्य पदमा उम्मेदवारी दिनुहुनेछ । तर जिल्लामा बनेका अधिकांश गुट, उपगुट बागमति प्रदेशको अधिवेशनमा तितर बितर भएको थियो । केन्द्रमा पनि त्यस्तै अवस्था आउने बताइएको छ ।
Facebook Comments