काभ्रेको पनौती नगरपालिकामा लाग्ने ऐतिहासिक १२ बर्षे मकर मेलालाई लक्षित गरी नेवारी भाषाको गीत ‘पन्तियाः मकर मेला’को म्यूनिक भिडियो सार्वजनिक गरिएको छ ।
गीतको रचनाकार भोला श्रेष्ठले गर्नुभएको हो । यमन श्रेष्ठ र निशा देशारको स्वरमा रहेको गीतमा बरिष्ठ संगीतकार सुरेश अधिकारीले संगीत भर्नुभएको छ ।
भिडियोमा मनोज ओली र श्रेय कार्कीले अभियान गर्नुभएको छ । मकर मेला यहि माघ १ गतेबाट सुरु हुँदैछ । माघ महिना भर मेला लाग्नेछ । गीतमा मकर मेलाको महत्व नेवारी भाषामा वर्णन गरिएको छ ।
‘पनौतीको मकर मेला आफैमा छुट्टै महत्व बोकेको मेला हो । यसमा कयौँ पौणीक कथाहरु छन् । त्यसलाई नेवारी भाषामा लेखेर आम नेवार समुदायको चिनारीका रुपमा गीत बजारमा ल्याएको हो । भिडियोमा मकर मेला लाग्ने पनौतीका महत्वपूर्ण ठाउँहरुलाई देखाइएको छ । मेला भर्न आउन नसक्ने र नभ्याउनेहरुलाई पनि यो गीत मकर मेलाको विशेषता बताउँनेछ । गीतका रचनाकार भोला श्रेष्ठले भन्नुभयो ।’
त्रीबेणी घाटमा स्नान गर्दा सम्पुर्ण पापबाट मुक्त भइने जन बिश्वास छ । स्वर्गका राजा ईन्द्रले सुन्दरी अहिल्यालाई छक्याई अनैतिक सम्बन्ध राख्दा शरीर भरी हजारौं योनि उत्पन्न हुँदा यसै त्रीबेणी घाटमा १२ बर्षसम्म इन्द्रले तपस्या गरेको तथा पापबाट मुक्ती पाएको किवदन्ती १२ बर्षे मकर मेलासँग सम्बन्धित छ ।
पछिल्लो वर्षहरुमा १२ बर्षे मकर मेलालाई आफन्तहरुसङ्ग मिलन हुने अवसरको रुपमा पनि मनाउन थालिएको र त्यो कुरा गीत मार्फत पनि ब्यक्त गरिएको रचनाकार श्रेष्ठले बताउनुभयो ।
Facebook Comments