नेकपा (एकीकृत समाजवादी) ले काभ्रेको पाँचखाल नगरपालिका वडा नम्बर १ अनैकोटमा वडा कमिटी गठन गरेको छ ।
नेकपा एसका पोलिटब्युरो सदस्य कृष्ण प्रसाद सापकोटाको प्रमुख आतिथ्यतामा भएको वडाभेलाले लालध्वज लामा अध्यक्ष रहेको ३१ सदस्य वडा कमिटी गठन गरेको हो ।
कार्यक्रमलाई सम्बोधन गर्दै संविधान सभा सदस्य समेत रहनुभएका पोलिटब्युरो सदस्य कृष्ण प्रसाद सापकोटाले जनताको भावना विपरित काम गरेकै कारण एमाले छोड्न बाध्य भएको बताउनुभयो ।
‘हामी कुनै रहर लागेर एमालेबाट विद्रोह गरेका छैनौं । ओली र ओली प्रवृत्तिका कारण विद्रोह गर्न बाध्य भएका हौ । तपाईहरू साथ दिनुस् । नयाँ पार्टीमा आवद्ध हुनुहोस् । यो पार्टीले जनाताको भावना विपरित गएर कुनै काम गर्ने छैन् । पोलिटब्युरो सदस्य सापकोटाले भन्नुभयो ।’
नगर कमिटी अध्यक्ष रविन्द्र सिपखानको अध्यक्षता भएको कार्यक्रममा विशेष अतिथी केन्द्रीय सदस्य, बागमती प्रदेश कमिटी सचिब एवं सांसद लम्साल हुनुहुन्थ्यो ।
त्यस्तै बागमती कमिटी सदस्य ओपी लामिछाने, बिर बहादुर तामाङ, युवा संघ नेपाल केन्द्रीय सदस्य पुरुषोत्तम आचार्य, कम्युनिष्ट पार्टीका संस्थापक नगेन्द्र मल्ल लगायत सहभागी हुनुभएको थियो ।
Facebook Comments