ज्याम्दीको पुल निर्माणमा काभ्रे काँग्रेसले लियो अग्रसरता

काभ्रेको भुम्लु गाउँपालिका वडा नम्बर ९ ज्याम्दी स्थित चाखोलाको पुल निर्माणमा नेपाली काँग्रेसले अग्रसरता लिएको छ ।

काँग्रेस काभ्रेका नवनिर्वाचित जिल्ला सभापति तीर्थ लामा र भुम्लु गाउँपालिका कार्य समितिका सभापति दावा लामाको टोलीले आज बागमती प्रदेशका भौतिक पूर्वाधार मन्त्री कृष्ण भडेललाई भेटेर पुलको अवस्थाबारे अवगत गराएको हो ।

ज्याम्दीको चाखोलामा पक्की पुल निर्माण सुरु भएपनि अझै पुरा हुनसकेको छैन् । भेटमा मन्त्री भडेलले तत्काल आवश्यक प्रक्रिया अगाडी बढाउन निर्देशन दिनु भएको भुम्लु गाउँपालिका कार्य समितिका सभापति दावा लामाले जानकारी दिनुभयो ।

‘भौतिक पूर्वाधार मन्त्रीलाई भेटेर पुलका बारे सबै जानकारी गराएका छौँ । उहाँले तत्काल प्रक्रिया अघि बढाउन सम्बन्धित निकायका पदाधिकारीलाई निर्देशन समेत दिइसक्नुभएको छ । अब पक्की पुल बन्नेमा ढुक्क भइयो । मन्त्री भडेलले हाम्रो गुनासोलाई सुनेर पुल बनाउने प्रतिबद्धता ब्यक्त गर्नु भएको छ । गाउँपालिका सभापति दावा लामाले भन्नुभयो ।’