काँग्रेस बागमती प्रदेश कार्यसमितिको महामन्त्री पदमा काभ्रेका कन्चन चन्द्र बादे विजयी हुनुभएको छ ।
आज बिहान सकिएको मत गणना अनुसार ९९५ मत सहित महामन्त्रीमा विजयी हुनुभएको हो । त्यस्तै अर्का महामन्त्रीमा राजु श्रेष्ठ विजयी हुनुभएको छ । श्रेष्ठले ९१० मत प्राप्त गर्नुभएको छ ।
दुई जना महामन्त्रीका जनाको ६ उम्मेदवारी परेको थियो । बागमती प्रदेश कार्यसमितिको उपसभापतिमा मोहन बहादुर बस्नेत र चन्द्र महर्जन विजयी हुनुभएको छ । बस्नेतले १०५९ र महर्जनले १०३७ मत प्राप्त गर्नुभएको छ । दुई जना उपसभापतिका लागि चार जना प्रतिस्पर्धामा थिए ।
कुल २०६९ मत खसेको थियो । महिला उप महामन्त्री जीवन डंगोल विजयी हुनुभएको छ । एक जनाको पदमा ३ जना प्रतिष्पर्धामा थिए । डंगोलले ९४९ मत ल्याउनुभएको हो ।
त्यसैगरी खुल्ला तर्फको उप महामन्त्रीमा ऋषिराम घिमिरे र हरि शरण श्रेष्ठ विजयी हुनुभएको छ । घिमिरेले ९१६ र श्रेष्ठले ८३९ मत ल्याउनुभएको निर्वाचन समितिले जनाएको छ ।
Facebook Comments