काभ्रेको मण्डनदेउपुर नगरपालिकामा सञ्चालित ‘मण्डनदेउपुर बृहत सुख्खा क्षेत्र खानेपानी आयोजना’ को शिलान्यास हुने भएको छ ।
आयोजनाको पर्सी मंगलबार शिलान्यास हुने छ । बागमती प्रदेशका मुख्य मन्त्री राजेन्द्र प्रसाद पाण्डेले आयोजनाको शिलान्यास गर्नु हुने ‘मण्डनदेउपुर बृहत सुख्खा क्षेत्र खानेपानी तथा सरसफाई उपभोक्ता समितिका सचिब गणेश पराजुलीले जानकारी दिनुभयो ।
‘मण्डनदेउपुर बृहत सुख्खा क्षेत्र खानेपानी आयोजना’ मण्डनदेउपुर नगरपालिकाको गौरबको योजना हो । मंगलबार दिउँसो २ बजे हाल नगरपालिकाको निर्माणधिन प्रशासनिक भवनसँगै वडा नम्बर ७ मनवतीडाँडा, महादेवस्थानमा शिलान्यास गर्ने कार्यक्रम तय गरिएको सचिब पराजुलीले बताउनुभयो ।
‘मण्डनदेउपुर बृहत सुख्खा क्षेत्र खानेपानी आयोजना’ को मुख्य ट्याङ्की नगरपालिकाको वडा नम्बर १० को थामडाँडामा निर्माण हुनेछ । वडा नम्बर १० को नारिमखर्क र वडा नम्बर ७ को सोतेबाट मुख्य ट्यांकीमा पानी खसालिने छ ।
यो आयोजना अन्तर्गत ३० वटा ट्याङ्की निर्माण हुने संघीय खानेपानी तथा ढल ब्यवस्थापन आयोजना भक्तपुरका प्रमुख राजेन्द्र श्रेष्ठले मिलिजुली खबरलाई बताउनुभयो । यो आयोजनाबाट मण्डनदेउपुर नगरपालिकाको ४, ५, ६, ७, ८, ९, १०, ११ र १२ का ५ हजार ५ सय ५ घरधुरी लाभान्वित हुने उपभोक्ता समितिका अध्यक्ष राम बहादुर तामाङले जानकारी दिनुभयो ।
यो आयोजनाका लागि ५४ करोडको ठेक्का सम्झौता भैसकेको छ । तीन बर्षभित्र निर्माण भैसक्ने आयोजनाका प्रमुख श्रेष्ठले बताउनुभयो । आयोजना शर्मा–लामा–रमण जेबी मार्फत निर्माण गरिरहेको छ ।
Facebook Comments