जुम्ल्याह इन्जिनियर राम-लक्ष्मण लामाले विज्ञान तथा प्रविधि पुरस्कार र समाज सेवी च्याङबातामाङ (खाईबा लामा) ले काभ्रेको चौरीदेउराली गाउँपालिका वडा नम्बर ७ मादनकुडारीमा सिर्जनशील जनता माध्यमिक विद्यालयका विद्यार्थीहरूलाई गरीब तथा जेहेन्दार पुरस्कार प्रदान गर्नुभएको छ ।
विद्यालय स्तरीय परीक्षाको परीक्षा फल प्रकाशित गर्दै विभिन्न विषयमा उच्चतम अंक प्राप्त गर्ने विद्यार्थीहरूलाई ती पुरस्कारहरू वितरण गरिएको हो । जस अन्र्तगत जुम्ल्याहइ न्जिनियर राम–लक्ष्मण लामाले विज्ञान तथा प्रविधि पुरस्कार कक्षा ९ की छात्रा स्वेता तामाङ, कक्षा ८ की छात्रा सन्ध्या लामा, कक्षा ७ की छात्रा लक्ष्मी गौतम र समाजसेवी च्याङबातामाङ (खाईबा लामा) ले गरीब तथा जेहेन्दार पुरस्कार कक्षा ७ की रञ्जिता भुजेललाई प्रदान गर्नुभयो ।
शैक्षिक सत्र २०७७÷७८ देखि लागु गरिएको उक्त पुरस्कारहरू उक्त विद्यालयमा कक्षा ७, ८ र ९ मा अध्ययनरत विद्यार्थीहरूको विज्ञान, गणित र अंग्रेजी विषयमा उच्चतम औसत अंक प्राप्त गर्ने ३ जना विद्यार्थीहरूलाई प्रदान गर्ने उद्देश्यले स्थापना गरिएको हो । पुरस्कारको राशी जनही ५ हजार रुपैयाँ रहेको छ ।
नतिजा प्रकाशन समारोहमा बोल्दै पुरस्कारका संस्थापक डा.राम लामाले विज्ञान, गणित र अंग्रेजी विषयमा विद्यार्थीहरू दक्ष भयो भने भविश्यमा जुनसुकै क्षेत्रमा पनि प्रवेश पाउने धारणा राख्नु भएको थियो । ग्रामीण भेगका सरकारी विद्यालयमा अध्ययनरत विद्यार्थीहरूले पनि अवसर पाएको खण्डमा शैक्षिक क्षेत्रमा प्रगति गर्न सक्ने सम्भव भएको हँुदा यो पुरस्कारले थोरै भए पनि विद्यार्थीहरूलाई प्रेरणा मिल्ने अपेक्षा रहेको उहाँको भनाईछ ।
वडाध्यक्ष विरबल लामाको प्रमुख आतिथ्यतामा सम्पन्न भएको कार्यक्रममा पुरस्कारका संस्थापकद्धय डा.राम लामा र इन्जिनीयर लक्ष्मण लामा, सिर्जनशील पूर्व विद्यार्थी समाजका सदस्य जितबहादुर लामा, पूर्व विद्यार्थी क्षितिज लामा, विद्यालय व्यवस्थापन समितिका पदाधिकारीहरू, शिक्षक–अभिभावक संघका पदाधिकारीहरू, शिक्षकहरू, अभिभावकहरू उपस्थिति हुनुभएको थियो ।
विद्यालय व्यवस्थापन समितिका अध्यक्ष झम्क बहादुर गौतमको सभापतित्वमा भएको कार्यक्रममा विद्यालयका प्रधानाध्यापक राजीव लामाले स्वागत मन्तव्य राख्नु भएको थियो भने सञ्चालन शिक्षकद्धय सुनिता लामा र आशाराम दोङले गर्नुभएको थियो । कार्यक्रममा विद्यार्थीहरूले आ–आफ्नो कला समेत प्रस्तुत गरेका थिए ।
Facebook Comments