काभ्रे काँग्रेस अधिवेशनः जो अत्याधिक मत सहित केन्द्रीय महाधिवेशन प्रतिनिधि बने

नेपालीका काँग्रेस काभ्रे निर्वाचन क्षेत्र नम्बर १ को अधिवेशन सकिएको छ । अधिवेशनबाट केन्द्रीय महाधिवशेन प्रतिनिधिमा जिल्ला सभापतिको उम्मेदवार समेत रहनुभएका युवा नेता तीर्थ लामा अत्याधिक मतका साथ निर्वाचित हुनुभएको छ ।

तीर्थ लामाले १०६० मत प्राप्त गर्नुभएको छ । लामा यसअघि यहि निर्वाचन क्षेत्रको सभापति पनि हुनुहुन्थ्यो । तीर्थ लामा शिव हुमागाई प्यानलबाट जिल्ला सभापतिको उम्मेदवार हुनुहुन्छ । खुल्ला तर्फबाट १० जना केन्द्रीय महाधिवेशन प्रतिनिधि चयन हुनुपर्नेमा २६ जनाको उम्मेदवारी परेको थियो ।

त्यसमा सबैभन्दा बढी तीर्थ लामाले मत प्राप्त गर्नुभएको हो । लामाको यो मतलाई यहि १० गते हुने जिल्ला अधिवेशनको मत प्रक्ष्यपणको रुपमा समेत हेरिएको छ । जिल्ला सभापतिमा अहिलेसम्म तीर्थ लामा बाहेक अन्यको उम्मेदवारी परेको छैन् । क्षेत्रीय अधिवेशनबाट ८०४ मत सहित नेपाली काँग्रेस काभ्रेका पाका नेता शंखबुद्ध लामा केन्द्रीय महाधिवेशन प्रतिनिधिमा निर्वाचित हुनुभएको छ ।

त्यस्तै युवा नेता गणेश लामाले ८०२ मत प्राप्त गर्दै केन्द्रीय महाधिवेशन प्रतिनिधिमा निर्वाचित हुनुभएको छ । युवा माझ गणेश लामा लोकप्रिय नेताको रुपमा चिनिनुहुन्छ । त्यस्तै यसअघि सोहि क्षेत्रीय कार्यसमितिको सचिब रहनुभएका गुणराज मोक्तान ८ सय मत सहित केन्द्रीय महाधिवेशन प्रतिनिधिमा निर्वाचित हुनुभएको छ ।

गुमानसिं लामा (तामाङ) ले ५५५ मत, चन्द्र बहादुर तामाङ (सि.बी) ले ५७५ मत, चन्द्र बहादुर तामाङ ४७४ मत, विक्रमराज गौतमले ४८४ मत, सार्कीमान बलले ५५७ मत र हर्षजीत लामाले ४७४ मत ल्याएर केन्द्रीय महाधिवेशन प्रतिनिधिमा निर्वाचित हुनुभएको छ । जिल्ला कार्यसमितिको उम्मेदवार बन्न र केन्द्रीय महाधिवेशनमा समेत सहभागि हुन क्षेत्रबाट निर्वाचित हुनुपर्ने भएकाले यो निर्वाचनलाई निकै महत्वका साथ हेर्ने गरिन्छ ।

निर्वाचन क्षेत्र नम्बर १ को सभापतिमा दिनेश लामाको सिँगो टिम नै बिजयी बनेको छ । १३ सय १४ प्रतिनिधिमा १२ सय ४३ मत खसेको थियो । जसमा सभापतिमा दिनेश लामाले १०४१ मत र विष्णुमाया पुलामीले १३७ प्राप्त गर्नुभएको छ । लामा तीर्थ समूहका हुन् भने पुलामी मधु समूहको ।

सचिबमा तीर्थ प्यानलका विद्यासागर लामाले ९४१ र किशोर राज गिरीले ८५० मत प्राप्त गर्नुभएको छ । सकुल प्रसाद तिमिल्सिनाले १६५, मधु प्यानलबाट सुमित्रा आचार्य (बन्जारा) ले १२५ मत, हिरामाया मानन्धरले १०८ मत पाउनु भएको छ ।

सह(सचिव तीर्थ प्यानलका गणेश प्रसाद अधिकारीले ८५० मत र पदम बहादुर लामाले ७९१ मत प्राप्त गर्नुभएको छ । मधु प्यानलका कान्छी तामाङले २७८ यशु थिङले १८७ मत ल्याउनुभएको छ ।