काभ्रे काँग्रेस अधिवेशनः यस्तो छ क्षेत्र नम्बर १ को अन्तिम मत परिणाम

नेपाली काँग्रेस काभ्रे निर्वाचन क्षेत्र नम्बर १ को अन्तिम मत परिमाण सार्वजनिक भएको छ ।

१३ सय १४ प्रतिनिधिमा १२ सय ४३ मत खसेको थियो । जसमा सभापतिमा दिनेश लामाले १०४१ मत र विष्णुमाया पुलामीले १३७ प्राप्त गर्नुभएको छ । लामा तीर्थ समूहका हुन् भने पुलामी मधु समूहको ।

सचिबमा तीर्थ प्यानलका विद्यासागर लामाले ९४१ र किशोर राज गिरीले ८५० मत प्राप्त गर्नुभएको छ । सकुल प्रसाद तिमिल्सिनाले १६५, मधु प्यानलबाट सुमित्रा आचार्य (बन्जारा) ले १२५ मत, हिरामाया मानन्धरले १०८ मत पाउनु भएको छ ।

सह(सचिव तीर्थ प्यानलका गणेश प्रसाद अधिकारीले ८५० मत र पदम बहादुर लामाले ७९१ मत प्राप्त गर्नुभएको छ । मधु प्यानलका कान्छी तामाङले २७८ यशु थिङले १८७ मत ल्याउनुभएको छ ।

त्यस्तै केन्द्रीय महाविधेशन प्रतिनिधिको पनि मतगणना सकिएको छ । तर निर्वाचनमा खटिएका अधिकारीहरुले अन्तिम मत परिणाम र विजयी उम्मेदवार घोषणा गर्न मानिरहेका छैनन् ।