सिन्धुपाल्चोक जिल्लाको बाह्रबिसे नगरपालिका दुई ब्यवसायी तथा समाजसेवी आङदोर्जे शेर्पा र प्रेम कुमार शेर्पाले विद्यार्थीलाई न्यानो कपडा वितरण गर्नुभएको छ ।
नगरप्रमुख निमफुन्जो शेर्पा र उपप्रमुख सुशिला पाख्रिन मार्फत वडा नम्बर ६ मा रहेको गोरखनाथ आधारभूत विद्यालयका विद्यार्थीलाई समाजसेवी आङदोर्जे र प्रेम कुमार शेर्पाले न्यानो कपडा वितरण गर्नुभएको हो । समाजसेवी आङदोर्जे र प्रेम कुमार शेर्पाले विद्यार्थीहरुलाई ट्याक्सुट र टोपी वितरण गर्नुभएको हो ।
समाजसेवी आङदोर्जे र प्रेम कुमार शेर्पाले यो विद्यालयमा विगत लामो समयदेखि सहयोग गर्दै आइहरनुभएको छ । आफ्नो ब्यक्तिगत खर्चबाट उहाँहरुले विद्यालयलाई आवश्यक पर्ने विभिन्न खेलकुद र शैक्षिक सामग्री पनि प्रदान गर्दै आइरहनुभएको छ ।
समाजसेवी आङदोर्जे र प्रेम कुमार शेर्पाले यो विद्यालयलाई एक जना शिक्षक आफ्नो ब्यक्तिगत खर्च ब्यहोर्ने गरी उपलब्ध गराउनुभएको छ । समाजसेवी आङदोर्जे र प्रेम कुमार शेर्पा हिमालय सिमापार ब्यापार संघको सदस्य हुनुहुन्छ ।
समाजसेवी आङदोर्जे र प्रेम कुमार शेर्पाको सहयोगले विद्यालयमा सञ्चालनमा निकै सहयोग पुगेको नगरप्रमुख निमफुन्जो शेर्पाले बताउनुभयो । ‘उहाँहरुको सहयोग नगरपालिका र म ब्यक्तिगत रुपमा उच्च प्रशंसा गर्नु चाहान्छु, उहाँको त्यो सहयोग विद्यालय सञ्चालनमा निकै सहयोग पुगेको छ, नगरप्रमुख शेर्पाले भन्नुभयो ।’
Facebook Comments