नेकपा (एकीकृत समावादी) काभ्रेले भुम्लु गाउँपालिका वडा नम्बर ३ बेखसिम्लेमा वडा कमिटी गठन गरेको छ ।
पूर्ण बहादुर लामा अध्यक्ष रहेको २१ सदस्यीय वडा कमिटी गठन गरिएको नेकपा (एकीकृत समावादी) गाउँपालिका कमिटीका अध्यक्ष प्राणनाथ न्यौपानेले जानकारी दिनुभयो । वडा कमिटीको उपाध्यक्षमा बालानन्द न्यौपाने, सचिबमा योगेन्द्र चौलागाई, उपसचिबमा सञ्जिब लामा र अविराज पहरी रहनुभएको छ ।
वडा भेलालाई नेकपा (एकीकृत समाजवादी) का केन्द्रीय सदस्य, बागमति प्रदेश कमिटीका उपाध्यक्ष एवं काभ्रे जिल्ला सह इन्चार्ज बिदुर सापकोटा, नेकपा (एकीकृत समाजवादी) का केन्द्रीय सदस्य, बागमती प्रदेश कमिटीका सचिब एवं सांसद लक्ष्मण लम्साल, केन्द्रिय सदस्य मुकुन्द गौतम लगाएतले सम्बोधन गर्नुभएको थियो ।
योसँगै भुम्लु गाउँपालिकामा नेकपा (एकीकृत समाजवादी) ले ३ वटा वडामा वडा कमिटी विस्तार गरेको छ । यसअघि वडा नम्बर २ सिम्थली र ४ चौबासमा पनि वडा कमिटी विस्तार गरिसकेको नेकपा (एकीकृत समावादी) गाउँपालिका कमिटीका अध्यक्ष प्राणनाथ न्यौपानेले बताउनुभयो ।
Facebook Comments