एमाले काभ्रेले विभिन्न रस्साकस्सीका बिच सर्वसम्मत महाधिवेशन प्रतिनिधि छनौट गरेको छ ।
तर महाधिवेशन प्रतिनिधि छनौटमा माओवादीबाट आएकाको प्रतिनिधित्व निकै कमजोर देखिएको छ । ३४ जना प्रतिनिधि छनौट हुदाँ माओवादीबाट आएका जम्मा ४ मात्रै रहेका छन् । नेकपाकालिन अवस्थालाई नै निरन्तरता दिदैँ एमालेमा बसेका मध्ये चुडामडी गौतम, नकुल प्रसाद पराजुली, रिता ढकाल र बिष्णु बहादुर मिजार मात्रै महाधिवेशन प्रतिनिधिमा चयन हुनु भएको हो ।
महाधिवेशन प्रतिनिधिका लागि उम्मेदवारी दिएका १०५ जना मध्ये नेकपा माओवादी पृष्ठभूमिबाट आएका १५ जनाभन्दा बढी थिए । काभ्रेमा माओवादी पृष्ठभूमिबाट एमालेमा समाहित हुदाँको संगठीत सदस्य नै १२ देखि १५ सय रहेको बताइन्छ । तर महाधिवेशन प्रतिनिधि छनौटम एमालेले एक लौटी गरेपछि माओवादी थप कमजोर बनेको छ ।
महाधिवेशन प्रतिनिधिमै एमालेले कब्जा जमाएपछि यसको असर केन्द्रमा समेत पर्ने देखिन्छ । केन्द्रमा सर्वसम्मत चयन नभएर यदि चुनाव हुने परिस्थिति बन्यो भने माओवादी निकटका उम्मेवादरलाई एमालेका प्रतिनिधिले मत नदिने सम्भावना उत्तिकै बढी देखिन्छ । ‘जिल्लामा अहिले महाधिवेशन प्रतिनिधि छनौटमा त यस्तो एकलौटी छ भने केन्द्रको अवस्था के होला । यदि केन्द्रमा नेतृत्व सर्वसम्मत चयनको अवस्था आएन भने माओवादी खेमाकालाई निकै गाह्रो हुने अवस्था देन्छु । नाम उल्लेख नगर्ने सर्तमा एक जना एमाले जिल्ला कमिटी सदस्यले मिलिजुली खबरसँग भने ।’
काभ्रेमा एमालेले १३ वटा स्थानीय तह र १३५ वटा वडामा अधिवेशन सकाउँदा एक ठाउँमा पनि माओवादी खेमालाई नेतृत्वमा ल्याएको छैन् । केहि ठाउँमा पदाधिकारीसम्मको जिम्मेवारी दिएपनि नेतृत्व गर्ने गरी भने कुनै पनि ठाउँमा माओवादी खेमालाई दिइएको छैन् । कतिपयले हिजो नेकपाकालिन अवस्थाबाट आएका कारण यत्तिमै चित्त बुझाएका छन् भने कतिपयले चाँहि केन्द्रमा आफुहरुको खेमाको उपस्थिति कमजोर गराउन जिल्लाबाटै प्रतिनिधि छनौटमा गडबढी गरेको बताएका छन् ।
यी हुन् काभ्रेबाट छनौट भएका महाधिवेशन प्रतिनिधि
छनौट भएका प्रतिनिधिमा धेरै जसो जनप्रतिनिधि छन् । खुल्ला तर्फ एमाले काभ्रे जिल्ला अध्यक्ष एवं धुलिखेल नगरपालिका मेयर अशोक बयान्जु, जिल्ला कमिटी सचिब नारायण पाण्डे, कुमार थापा, रेशमवहादुर लामा, राजन भुर्तेल, पूर्वमन्त्री एवं प्रदेश सांसद चन्द्र लामा, कञ्चन अधिकारी, विदुरप्रसाद सापकोटा महाधिवेशन प्रतिधिनि चयन हुनुभएको छ ।
त्यसैगरी खुल्ला तर्फबाटै केशव बडाल, दिलिप तामाङ, चुडामणि गौतम, रामशरण दाहाल, जेनिश लामा, प्रेम लामा, दिलिप घिसिङ, कृष्णवहादुर खुलाल, नकुलप्रसाद पराजुली, राधाकृष्ण वस्ताकोटी, राजकुमार सापकोटा, वेदप्रसाद तिमल्सिना, श्यामसुन्दर श्रेष्ठ रहनुभएको छ ।
म्हिला कोटाबाट प्रदेश सांसद गोमा भुर्तेल, निर्मला शाही, कमला काफ्ले, गीता बन्जारा, शान्ता न्यौपाने, रिता ढकाल, बिमला शर्मा, सुभद्रा अधिकारी, बिमला सापकोटा, भक्तकुमारी लामा रहनुभएको छ ।
समावेशी कोटाबाट तेज नेपाली, इन्दिरा मिजार र गीता सुनार सर्बसम्मत महाधिवेशन प्रतिनिधि चयन हुनुभएको हो । एमालेको १० राष्ट्रिय महाधिवेशन यहि मंसिर १० देखि १२ गतेसम्म चितवनमा हुदैँछ ।
Facebook Comments