गोकुल बाँस्कोटाको जिल्लामा एमालेः संगठीत सदस्यमा पहिलो, महाधिवेशन प्रतिनिधि छनौटमा विवाद

एमाले काभ्रेमा महाधिवेशन प्रतिनिधि छनौटमा तीब्र विवाद देखिएको छ ।

बागमती प्रदेशभित्रका १३ जिल्ला मध्ये संगठीत सदस्यमा पहिलो नम्बरमा रहेको काभ्रे एमालेमा महत्वकांक्षी धेरै भएपछि महाधिवेशन प्रतिनिधि छनौट पेचिलो बनेको हो । काभ्रेमा एमालेले संगठीत सदस्य २२ हजार ५५ जना पुर्याएको छ ।

संगठीत सदस्यलाई हेर्दा जिल्लाबाट ३४ जनाले आगामी मंसिर १० देखि १२ गतेसम्म चितवनमा हुने १० औँ राष्ट्रिय महाधिवेशनमा प्रतिनिधि बनेर सहभागि हुन पाउँछन् । उम्मेदवारी भने १०५ जनाको परेको छ । तर आंकाक्षी धेरै निकलिएपछि महाधिवेशन प्रतिनिधि छनौट अझै हुन सकेको छैन् ।

एमाले जिल्ला निर्वाचन कमिटीले कात्तिक २६ गते उम्मेदवारको अन्तिम सूची प्रकाशन र प्रचार प्रसारको समय गर्ने तथा २७ गते बिहान १० बजेदेखि ४ बजेसम्म मतदान गर्ने र २७ गते नै मत गणनासँगै नजिता प्रकाशन गर्ने गरि समय तालिका सार्वजनिक गरेको थियो । तर अहिलेसम्म न निर्वाचन भयो । न त सर्वसम्मत महाधिवेशन प्रतिनिधि छनौट गरियो । एक जना भने २६ गते नै सर्वसम्मत महाधिवेशन प्रतिनिधिमा चयन हुनुभएको छ ।

आमा र छोरी, श्रीमान र श्रीमतीको समेत उम्मेदवारी परेको छ । जसले गर्दा पनि कसलाई छनौट गर्ने भन्नेमा निकै विवाद देखिन्छ । पूर्वमन्त्री एवं एमाले काभ्रेका इन्चार्ज गोकुल बाँस्कोटा आफ्ना विश्वास पात्रलाई नै महाधिवेशन प्रतिनिधि बनाउन चाहेको स्रोतको दाबी छ । किन कि बाँस्कोटाले पदाधिकारीमा उम्मेदवारी दिने उनी निकटस्थहरु बताउँछन् । महाधिवेशनमा सर्वसम्मत नभए मतदान हुने भएकाले पनि बाँकस्कोटा आफुले विश्वास गरेका प्रतिनिधि बनाएर लैजाने ध्याउन्नमा छन् ।

तर एमाले काभ्रेका कार्यालय सचिब हरि मैनालीले भने विवादका कारण प्रतिनिधि छनौटमा ढिलाइ नभएको दाबी गर्नुभयो । उहाँका अनुसार आज काभ्रे एमालेले महाधिवेशन प्रतिनिधि छनौट गरिसक्नेछ ।