धुलिखेल नगरपालिका-४ मा नेकपा (एस) को वडा कमिटी गठन

नेकपा (एकीकृत समाजवादी) ले धुलिखेल नगरपालिका वडा नम्बर ४ मा पनि वडा कमिटी गठन गरेको छ । आज भ्याण्डोलमा भएको वडा स्तरिय कार्यकर्ता भेलाले वडा कमिटी गठन गरेको हो ।

भेलाले वडा कमिटी अध्यक्षमा हरि कार्की चयन हुनुभएको छ । उपाध्यक्षमा सूर्य माया लामा, सचिबमा राम गिरी, उप सचिबमा श्याम विश्वकर्मा रहनु भएको छ । ३१ जना सदस्यीय वडा कमिटी गठन गरिएको नगर कमिटी सचिब यादव कोईरालाले जानकारी दिनुभयो ।

जिल्ला कमिटी सदस्य रमेश गौतमको अध्यक्षतामा भएको भेलाले युवा संघ नेपालको वडा कमिटी पनि गठन गरेको छ । युवा संघको वडा कमिटी अध्यक्षमा सुबास सापकोटा, उपाध्यक्षमा सुशिला पहरी, सचिबमा अर्जुन विक, सहसचिबमा सुशान्त घिमिरे सहितको २१ सदस्यीय कमिटी गठन गरिएको छ ।

भेलालाई युवा संघ नेपालका केन्द्रीय सचिव भेषराज शाह, धुलिखेल नेकपा (एकीकृत समाजवादी) कमिटीका ईन्चार्ज हरिगोपाल प्रधानाङ्ग, नगर कमिटी अध्यक्ष दयासागर, नगरसचिब यादव कोईराला, अधिवक्ता एवं नगर सदस्य विष्णु सापकोटा लगायतले सम्बोधन गर्नु भएको थियो ।