नगरप्रमुख वाइबाको बदनाम गराउन उपप्रमुख शाहीको समूह सक्रिय

काभ्रेको सबै भन्दा कान्छो नगर मण्डनदेउपुर नगरपालिकाका उपप्रमुख निर्मल शाही विगत केहि महिना यता नगरप्रमुख टोक बहादुर वाइबाको बदनाम गराउन सक्रिय रुपमा लाग्नुभएको छ ।

यसअघि राजनीतिक रुपमा विचार फरक हुदाँदेखि नै नगर प्रमुख वाइबाको बदनाम गराउन सक्रिय एउटा समूहले फेरी उपप्रमुख शाही मार्फत त्यहि शैली अपनाएको छ । गोकुल बाँस्कोटा द्वारा निर्देशित उक्त समूहले अघिल्लो पटकको हिउँदे नगरसभा विथोल्ने असफल प्रयास समेत गरेको थियो ।

हिउँदे सभा बस्ने दिन जिरो किलोको एउटा होटलमा उपप्रमुख सहित एमालेबाट निर्वाचित केहि नगरकार्यपालिका सदस्यलाई बन्धन बनाएर नगर प्रमुख वाइबालाई त्यहि बेला असफल बनाउने प्रयन्त गरिएको थियो । तर विपक्षी दल नेपाली काँग्रेस र नगरप्रमुख वाइबा निकटका नगरकार्यपालिका सदस्यले नगरसभा सञ्चालनमा साथ दिएपछि निकै अबेर उक्त हिउँदे सभा बसेको थियो । र बहुमतले निर्णयहरु पारित गरेको थियो ।

विचार फरक हुदाँ देखिनै नगरप्रमूख वाइबालाई असफल बनाउन क्रियाशिल उक्त समूह पार्टी फरक भएपछि थप उत्तेजित भएर लागेको छ । जसले उपप्रमुखलाई अघि सार्दै आफ्नो उत्शृंखलता बाहिर ल्याउने गरेको छ ।

८ औँ नगरसभाको हिउँदेसभा विथाल्ने प्रयास गरेका एमालेबाट निर्वाचित सोहि समूहले शुक्रबार पनि उस्तै हर्कत अपनाएको छ । शुक्रबार नियमित नगर कार्यपालिका बैठक थियो । प्रत्येक महिना ११ गते र २६ गते मण्डनदेउपुर नगरपालिकाको नगरकार्यपालिका बैठक बस्छ ।

बैठक अघि बसेको एमालेका नगरकार्यपालिका सदस्यहरुको बैठकले नवौं नगरसभा मार्फत पारित भएर प्रकाशित गरिएको बजेट पुस्तिका प्रति आफूहरुको गम्भीर असहमति जनाउने निर्णय गर्यो र सोहि अनुरुप ८ बुदेँ आरोप पत्र तयार गरी नगरकार्यपालिका बैठकमा उपप्रमुख शाहीले राख्नुभयो ।

आफैले पढेर नवौं नगरसभा मार्फत पास भएको बजेटमा नगरप्रमुखले एकलौटी गर्न खोजेको तथ्यहीन आरोप लगाउँदै उप्रमुख शाही नेतृत्वको समूहले सिँगो नगरसभाकै बदनाम गर्ने कोशिस गरेको छ ।

उपप्रमुख शाहीले आठ बुँदे आरोप पत्र मार्फत नगरप्रमुख वाइबालाई नवौं नगरपरिषदमा अधिकार प्रत्यायोजन सम्बन्धी प्रस्ताव नै नआएकोमा आ २०७८ ०७९ को नीति तथा कार्यक्रम र बजेट पुस्तिकामा किर्ते गरि नगर प्रमुखलाई बजेट रकमान्तर गर्ने अधिकार दिएको, तोक आदेशमा बजेट बिनियोजन गर्ने अधिकार नदिएको र अख्तियारी प्रदान नगरेको जस्ता आरोप लगाउनुभएको छ ।

तर यी सबै आरोप राजनीतिबाट ग्रसित छन् । निर्वाचित भएर आएदेखि अहिलेसम्म जुन बिधि र प्रक्रिया अपनाइएको छ । यो पटक पनि कुनै फेरबदल गरिएको छैन् । नगरप्रमुख टोब बहादुर वाइबाको सचिवालयले हिजो नै उपप्रमुख शाहीलाई ८ बुदेँ आरोप प्रमाणित गरेर देखाउने चुनौती दिएको छ । मिलिजुली खबरसँग कुरा गर्दै नगरप्रमुख वाइबाका स्वकीय सचिव गणेश पराजुलीले उपप्रमुख शाहीको ८ बुदेँ आरोपको पोका मात्रै भएको बताउनुभयो ।

‘पहिलो नगरसभा देखि जुन विधि र प्रक्रिया अपनाइएको छ । यो पटक पनि त्यसमा कुनै तलमाथि गरिएको छैन् । यो उहाँहरुको केबल राजनीतिक अभिष्ट पुरा गर्ने खेल मात्रै हो । ८/८ वटा नगरसभा सकिदाँ त्यहि विधि प्रक्रिया ठीक भयो । अहिले पार्टी फरक भएपछि चाँहि कसरी बेठीक हुन्छ ? एमालेका साथीहरुले राजनीति गर्नु खोज्नुभएको हो । कुनै विधि र प्रक्रिया मिचिएको छैन् । छ भने प्रमाणित गरेर देखाउँनुस् । स्वकीय सचिब पराजुलीले भन्नुभयो ।’

तथ्यहीन आरोप लगाएर उपप्रमुख मार्फत आफ्नो राजनीति स्थापित गर्न खोज्नेमा बडा नं ८ का वडाअध्यक्ष झलकप्रसाद पौडेल, ९ का वडाअध्यक्ष जितबहादुर लामा, ४ का वडाअध्यक्ष भुवन बजगाई, कार्यपालिका सदस्यहरु खड्गबहादुर पुर्कोटी, गिता नेपाल, निलमकुमारी बिसुन्खे, सुमित्रा भट्टराई र कृष्णबहादुर सार्की छन् ।