मुख्यमन्त्री पाण्डेले विश्वासको मत पाएसंगै काभ्रेमा मन्त्रीको चर्चा

बागमती प्रदेशका मुख्यमन्त्री राजेन्द्र पाण्डेले पाण्डेले विश्वासको मत पाएसंगै सरकारले पूर्णता पाउने बताईएको छ ।

काभ्रेबाट पनि एक जना मन्त्री बन्ने पक्का छ । तर सासंद लक्ष्मण लम्साल वा बसुन्धरा हुमागाई मध्य को मन्त्री बन्लान् भन्ने चासो काभ्रेली जनता माज छ ।

२०७४ सालको निर्वाचनमा एमालेबाट काभ्रेको संघीय निर्वाचिन क्षेत्र नम्बर २ अन्तर्गत प्रदेश सभा (क) र (ख) मा निर्वाचित सांसद लक्ष्मण लम्साल र बसुन्धरा हुमागाई अहिले नेकपा (एकीकृत समाजवादी) मा हुनुहुन्छ । मुख्यमन्त्री पाण्डेले विश्वासको मत पाएसंगै काभ्रेली नेकपा (एकीकृत समाजवादी) समर्थक नेता, कार्यकर्तामा खुशी छाएको पाइन्छ ।

कार्यकर्ताहरुले दुबै जना सांसदलाई मन्त्री हुन शुभकामना दिएका छन् । सकेसम्म दुबै जना मन्त्री बन्न र नसके विवाद नगरी समझरीपूर्ण ढंगले एक जना मात्रै भएपनि मन्त्री हुनै पर्ने धारणा कार्यकर्ता र शुभचिन्तकहरुले सार्वजनिक गरिरहेका छन् ।

संघीय निर्वाचिन क्षेत्र नम्बर २ अन्तर्गत प्रदेश सभा (क) बाट निर्वाचित सांसद लम्सालले काभ्रे जिल्लाले मन्त्री पाउने बताउनुभयो । सांसद लम्साल नेकपा (एकीकृत समाजवादी) पार्टीको बागमती प्रदेश कमिटीका सचिब पनि हुनुहुन्छ ।

काभ्रेका नेकपा (एकीकृत समाजवादी) कार्यकर्ता र शुभचिन्तकले मुख्यमन्त्रीको सपथसँगै काभ्रेबाट पनि एक जना मन्त्री हुने अपेक्षा गरेका थिए । तर मुख्य मन्त्री पाण्डेले विश्वासको मत लिएपछि मात्रै मन्त्रीपरिषद्लाई पूर्णदिने बताएपछि केहिदिन पछि सरेको थियो ।

काभ्रे नेकपा (एकीकृत समाजवादी) का दोस्रो तहका नेता र कार्यकर्ताले यस अघि एमालेमा हुदाँको नजिरलाई समेत ख्याल गर्दै विवाद नगरी सर्बसम्मत निर्णय गरेर एक जना मन्त्री हुनु पर्नेमा जोड दिएका छन् ।

यद्यदी दुबै सांसदको निर्वाचन क्षेत्रका कार्यकर्ताहरुमा आ आफ्नो अडान भने कायम देखिएको छ । मन्त्री भएपछि आफ्नो क्षेत्रमा अनुकुल बजेट ल्याउन सकिने र आगामी निर्वाचिनमा थप सजिलो हुने उनीहरुको विश्वास छ ।

तर दुबै सांसदको भित्र इच्छा भने आफ्नो पार्टीको भागबण्डामा पर्ने मन्त्रालय हेरेर मात्रै मन्त्रीका लागि निर्णय गर्ने देखिन्छ । मन्त्री बनेपछि धेरै आंकाक्षा बढ्ने र विकास खर्च कम भएको मन्त्रालय भागमा पर्दा त्यो आंकाक्षा पुरा गर्न नसक्ने परिस्थिति सिर्जना हुदाँ कार्यकर्ता र निर्वाचन क्षेत्रका मतदाता चिडिन सक्ने तर्फ उनीहरु उच्च सजग रहेको पाइन्छ ।

काभ्रेजिल्लाबाट यस अघि अष्ट लक्ष्मी शाक्य मुख्यमन्त्री रहेको प्रदेश सरकारमा एमाले सांसद चन्द्र लामा मन्त्री बनिसक्नुभएको छ । यद्यदी मन्त्री लामाको सयमवधि निकै छोटो रह्यो । अहिलेको सरकार भने अर्को निर्वाचन नहुदाँसम्म टिक्ने गठबन्धनको विश्वास छ ।