काभ्रेको बेथानचोक गाउँपालिका वडा नम्बर ५ मा रहेको कपेर स्थान महाँकाल मन्दिरमा थप पूर्वाधार निर्माण हुने भएको छ ।
मन्दिरको पुर्बाधार निर्माणका लागि संस्कृति, पर्यटन तथा नागरिक उड्डयन मन्त्रालयले १ करोड रूपैयाँ बजेट विनियोजन गरेको छ । मन्त्रालयबाट यति ठूलो रकम मन्दिरको पूर्वाधार निर्माण लागि पार्न नम्बर ५ का वडाध्यक्ष खजेन्ची बहादुर लामाको विशेष पहल गर्नु भएको हो ।
मन्दिरको पूर्वाधार निर्माणमा यति ठूलो रकम मन्त्रालयले विनियोजन गरेपछि त्यस भेगका नागरिक खुशी भएका छन् । काठमाडौबाट ५५ किलोमिटरको दुरिमा रहेको छ कामीडाँडा। त्यहाँबाट २० मिनेटको पैदलयात्रापछि ऐतिहासिक धार्मिकस्थल कपेर स्थान महाँकाल मन्दिर पुग्न सकिन्छ ।
भक्तपुर, बनेपा, पनौती, खोपासी हुँदै केही कच्ची बाटोको यात्रा तय गरे पछि कामिडाँडामा पुग्न सकिन्छ। समुन्द्री सतह देखि २१ सय मिटर उचाइमा अबस्थित छ कामिडाँडा महाभारतको लेक मुनि पर्छ । चारैतिर अग्ला अग्ला डाँडाकाँडा हरियाली पर्याप्त देख्न सकिन्छ । प्रकृतीलाई नजिकबाट आभाष गर्ने मौका सहजै पाईन्छ यस ठाउँमा।
बिशेष गरि द्वन्द कालमा तत्कालिन माओवादीको अखडा नै मानिएको थियो कामीडाँडा । यस ठाउँलाई शान्ति सम्झौता पछि माओवादी ब्यारेक राख्ने सम्मको योजनाहरु थियो । कपेर स्थान महाँकाल मन्दिरमा थप पूर्वाधार निर्माण भएपछि आन्तरीक तथा बाहृय पर्यटन प्रवर्द्धन थप सहयोग पुग्ने वडाध्यक्ष खजेन्ची बहादुर लामाले बताउनुभयो ।
Facebook Comments