तेमाल गाउँपालिका-३ मा नेकपा (एस) को वडा कमिटी गठन, कांग्रेस छोड्नेको लर्को

नेकपा (एकीकृत समाजवादी) ले काभ्रेको तेमाल गाउँपालिका वडा नम्बर ३ सरमथलीमा वडा कमिटी गठन गरेको छ ।

आज भएको भेलाले वडा कमिटी गठन गरेको नेकपा (एकीकृत समाजवादी) तेमाल गाउँपालिका कमिटीका अध्यक्ष प्रदीप लामाले जानकारी दिनुभयो । पशुराम पन्तको अध्यक्ष रहेको वडा कमिटी गठन गरिएको छ ।

वडा कमिटीमा ३९ जना सदस्य रहेका छन् । वडा तीनबाट कांग्रेसका दर्जनभन्दा बढी युवाले नेकपा (एकीकृत समाजवादी) पार्टी रोजेका छन् । कांग्रेसका युवाहरूलाई नेकपा (एकीकृत समाजवादी) केन्द्रीय सदस्य, बागमती प्रदेश कमिटी उपाध्यक्ष एवं काभ्रे जिल्ला ईन्चार्ज टोक बहादुर वाईबा र जिल्ला कमिटी उपाध्यक्ष बसुन्धरा हुमागाईले पार्टीमा स्वागत गर्नु भएको थियो ।

केन्द्रीय सदस्य वाईबाले एमालेले भ्रम छरिरहेको भन्दै त्यस्ता भ्रमलाई छार्दै समाजवादी आन्दोलनमा हामिन आफ्नो पार्टीमा गलबद हुन आग्रह गर्नुभयो ।कार्यक्रममा उपाध्यक्ष हुमागाईले जिल्लाभर संगठनलाई मजबुद गराउने अभियानमा सिंगो पार्टी पंक्ति लागिरहेको बताउनुभयो ।

कार्यक्रममा नेकपा (एकीकृत समाजवादी) तेमाल गाउँपालिका कमिटीका अध्यक्ष प्रदीप लामा, जिल्ला कमिटी सचिवालय सदस्य एवं तेमाल गाउँपालिका इन्चार्ज कुवाङ्चु लामा, जिल्ला कमिटी सदस्य पाल्साङ मोक्तान, जिल्ला कमिटी सदस्यहरु समिप त्रिपाठी, सिजन लामा, शंकर त्रिपाठी, सुर्य तामाङ लगायत सहभागी हुनुभएको थियो ।