काभ्रेको सबै ठाउँमा सूर्यको झण्डा गाड्ने छौँ, माओवादीको भविष्य छैन्- पूर्व मन्त्री बाँस्कोटा

पूर्व मन्त्री गोकुल बाँस्कोटाले माओवादीको भविष्य नरहेको बताउनुभएको छ ।

आज बनेपामा एमाले बनेपा नगर कमिटीको कार्यालय उदघाटन गर्दै एमाले जिल्ला ईन्चार्ज समेत रहनुभएका बाँस्कोटाले कम्युनिष्ट शक्तिको रूपमा एमाले स्थापित भै सकेकाले माओवादीको भविष्य सकिएको बताउनुभएको हो ।

चितवनमा एमालेको १० औं राष्ट्रिय महाधिवेशन आयोजना हुने भएपछि प्रचण्ड बाउ छोरीको निन्द्रा नलागेर हैरान भैसकेको बाँस्कोटाको तर्क थियो । ‘पार्टीको राष्ट्रिय महाधिवेशन चितवनमा के हुने घोषणा गरिएपछि थियो, पुष्पकमल र उनका छोरीको निन्द्रा नलागेर हैरान भै सके । सूर्य चिन्हको संकेत अँध्यारो होईन, उज्यालो हो । अब माओवादीको भविष्य छैन् । बाँस्कोटाले भन्नुभयो ।’

एमाले नेता बाँस्कोटाले काभ्रेको सबै ठाउँमा सूर्य झण्डा गाड्ने उदघोष गर्नुभयो । ‘एमाले धेरै हण्डर र ठक्कर पार गर्दै अघि बढेको पार्टी हो । काभ्रेको सबै ठाउँमा सूर्य झण्डाको लालकिल्ला कायम राख्ने छौँ । बाँस्कोटाले भन्नुभयो ।’