बनेपामा बेलर स्कुलको संस्कृति जर्गेना अभियान: देउसीभैलो र रंगोलीे प्रतियोगिता

काभ्रेको बनेपामा रहेको बेलर इन्टरनेशनल स्कुलले देउसी भैलो र रंगोली प्रतियोगिता गरेको छ ।

गाउँ सहरमा कम हुँदै गएको देउसी भैलो संस्कृतिको जर्गेना गर्दै बालबालिका र युवा पुस्तामा जानकारी दिने उद्देश्यले देउसी भैलो र रंगोली प्रतियोगिता गरिएको स्कुलका प्रबन्ध निर्देशक इन्दु थापाले जानकारी दिनुभयो ।

कक्षा ११ र १२ मा अध्ययनरत ६ समूहविच प्रतिस्पर्धा भएको थियो । विद्यार्थीहरुबीच रंगोली बनाउने प्रतियोगिता समेत भएको थियो ।

कोरोना महामारीको कारण विगत २ बर्षदेखि यस्ता कार्यक्रम हुन पाएको थिए । कोरोना क्रमश कम हुँदै गएपछि कार्यक्रम आयोजना गरिँदा विद्यार्थी खुशी भएका थिए ।

उत्कृष्ट टिमलाई विद्यालय व्यवस्थापन समितिका अध्यक्ष भोला थापा, राधब सिहं थापा, डा अनुप जंग थापा, ईश्वरी ओझा लगायतले पुरस्कार प्रदान गर्नुभएको थियो ।