काभ्रेको कुन्ताबेसीमा अन्नपूर्ण बहुमुखी सहकारी संस्थाको सेवा केन्द्र स्थापना

अन्नपूर्ण बहुमुखी सहकारी संस्थाले काभ्रेको कुन्ताबेशीमा सेवा केन्द्र सञ्चालनमा ल्याएको छ ।

सेवा केन्द्रको उदघाटन मण्डनदेउपुर नगरपालिकाका नगरप्रमुख टोक बहादुर वाईबाले गर्नुभएको हो । अन्नपूर्ण बहुमुखी सहकारी संस्थाको केन्द्रीय कार्यालय भक्तपुरको गठ्ठाघरमा रहेको छ ।

कुन्ताबेसी सेवा केन्द्र यो सहकारीको छैठौँ सेवा केन्द्र हो । सेवा केन्द्र कार्यालय उदघाटनको पहिलो दिन नै ३७ जना शेयर सदस्य बन्नु भएको सेवा केन्द्र प्रमुख बलराम सापकोटाले जानकारी दिनुभयो ।

सेवा केन्द्रको शुभारम्भ गर्दै नगरप्रमुख वाईबाले सहकारीको भावना र मर्म अनुसार अघि बढ्न आग्रह गर्नुभयो । ‘स्थानीय जनताको आवश्यकतालाई मध्यनजर राख्दै लगानी गर्नु होस् । सहकारीको भावना भन्दा बाहिर गएर काम गर्दा समस्या आउन सक्छ, नगरप्रमुख वाईबाले भन्नुभयो ।’

कार्यक्रममा नगरपालिकाका प्रमुख प्रशासकीय अधिकृत प्रणराज न्यौपाने, अन्नपूर्ण बहुमुखी सहकारी संस्थाका अध्यक्ष देवराज न्यौपाने, वडाध्यक्ष, स्थानीय राजनीतिक दलका प्रमुख एवं प्रतिनिधि सहभागी हुनुभएको थियो ।