नेकपा (एकीकृत समाजवादी) काभ्रेका नेताहरूले महत्वपूर्ण जिम्मेवारी पाउनुभएको छ ।
नेकपा (एकीकृत समाजवादी) केन्द्रले दोस्रो पटक जारी गरेको अन्तर पार्टी निर्देशन अनुसार काभ्रेली नेताहरूको जिम्मेवारी हेरफेर भएको हो । जिम्मेवारी हेरफेर हुँदा महत्वपूर्ण भुमिकामा काभ्रेली नेताहरू पुग्नुभएको छ ।
अन्तर पार्टी निर्देशन तथा कार्यविभाजन अनुसार पुराना कम्युनिष्ट नेता एवं पूर्व सांसद शिव बहादुर देउजाले नेकपा (एकीकृत समाजवादी) को केन्द्रीय सदस्य सहित केन्द्रित अनुशासन आयोगको प्रमुखको जिम्मेवारी पाउनुभएको छ ।
संविधान सभा सदस्य एवं काभ्रे जिल्ला विकास समितिका पूर्व सभापति कृष्ण प्रसाद सापकोटाले पोलिटब्युरो सदस्यको जिम्मेवारी पाउनुभएको छ । त्यस्तै संविधान सभाका अर्का सदस्य विदुर सापकोटाले केन्द्रीय सदस्य सहित बागमती प्रदेश कमिटी उपाध्यक्षको जिम्मेवारी पाउनुभएको छ ।
नेकपा (एकीकृत समाजवादी) काभ्रे जिल्ला अध्यक्ष टोक बहादुर वाईबालाई केन्द्रीय सदस्य, बागमती प्रदेश कमिटीको उपाध्यक्ष र काभ्रे जिल्ला ईन्चार्जको जिम्मेवारी दिईएको छ ।
त्यस्तै काभ्रे संघीय निर्वाचन क्षेत्र नम्बर २ अन्तर्गत प्रदेश निर्वाचन क्षेत्र नम्बर (क) बाट विजयी सांसद लक्ष्मण लम्साललाई केन्द्रीय सदस्य सहित बागमती प्रदेश कमिटी सचिबको जिम्मेवारी दिईएको छ ।
नेकपाका नेता मुकुन्द गौतमलाई केन्द्रीय सदस्य र काभ्रे जिल्ला सह ईन्चार्जको जिम्मेवारी दिईएको छ । फ्रण्डलाईनर नेताहरूको जिम्मेवारी हेरफेरसंगै जिल्ला कमिटीको स्वरूपमा समेत परिवर्तन हुने भएको छ । तर यसका लागि केहि समय लाग्ने छ । यसो हुँदा जिल्ला कमिटीको अधिकांश जिम्मेवारीमा युवा आउनेछन् ।
Facebook Comments