काभ्रेको खानीखोला गाउँपालिकामा एमालेको आकांक्षी धेरै, अझै नेतृत्व टुंगो लागेन

काभ्रेको अति विगत खानीखोला गाउँपालिकामा एमालेका नेताहरु अधिवेशन उद्घाटन गर्न हेलिप्टर रिजर्भ गरेर तालढुंगा पुगे ।

जिल्लाको १० वटा पालिकामा ९ गते अधिवेशन हुदाँ खानीखोला गाउँपालिकामा अधिवेशन हुने सकेको थिए । निकै तामझामका साथ एमाले नेताहरु तालढुंगा पुगेपनि अधिवेशन मार्फत अझै पनि नयाँ नेतृत्व चयन हुने सकेको छ ।

निजी हेलिकप्टर मार्फत पूर्व मन्त्री एवं एमाले काभ्रे जिल्ला इन्चार्ज गोकुल बाँस्कोटा, बागमती प्रदेशका पूर्वमन्त्री एवं सांसद चन्द्र लामा लगायतका नेताहरु तालढुंगा पुगेका थिए । एमाले नेता बाँस्कोटाले आफ्नो भाषणको अधिकांश समय नकपा (एकीकृत समाजवादी) र माओवादी केन्द्रका नेता, कार्यकर्ता प्रति खर्च गर्नुभएको थियो ।

प्रत्यक्षदर्शीका अनुसार बाँस्कोटा सवार हेलिकप्टर दिउँसो साढे १२ तीर तालढुंगामा अवतरण गरेको थियो । साँझ ५ तिर मात्रै तालढुंगाबाट काठमाण्डौका लागि हेलिकप्टर उडेको थियो । कार्यक्रम अवधिभर हेलिकप्टर बाँस्कोटालाई कुरेरै बसेको थियो ।

एमाले खानीखोला गाउँपालिका डम्बर तिमल्सिना, दलेश्वर मोक्तान, जय बहादुर लुङगेली, मान बहादुर गोले र कृष्ण बहादुर खुलालले दाबी गरेका छन् । स्रोतका अनुसार शेखर लामाले इन्चार्ज बन्नु पर्ने अडान राखेको बताइएको छ ।

साँझ ६ बजेदेखि बन्द सत्र सुरुभएको छ । तर नेतृत्वका लागि चरम विवाद रहेको बताइएको छ ।