नेकपा (एकीकृत समाजवादी) ले पाँचखाल नगरपालिका वडा नम्बर ३ मा वडा कमिटी गठन गरेको छ ।
भेलाले वडा कमिटी अध्यक्षमा फाल्गुण प्रसाद दाहाल, उपाध्यक्षमा सन्तोष गिरी, सचिबमा पुरूषोत्तम आचार्य, सहसचिब रामप्रसाद अधिकारी र रमा खड्का बानियाँ चयन हुनुभएको छ । पदाधिकारी सहित ३८ सदस्यीय नगर कमिटी गठन गरिएको हो ।
संविधानसभा सदस्य एवं नेकपा एसका केन्द्रीय सदस्य विदुर सापकोटा, सांसद एवं नेकपा एसका प्रदेश कमिटी सचिब लक्ष्मण लम्साल, सांसद एवं नेकपा एसका काभ्रे जिल्ला उपाध्यक्ष बसुन्धरा हुमागाई, प्रदेश कमिटी सदस्य ओम लामिछाने, जिल्ला कमिटी सदस्य रण बहादुर बोहोरा, वडा नम्बर ६ का वडाध्यक्ष रामशरण दुलाल लगायत नेताहरूले सम्बोधन गर्नुभएको थियो ।
नेकपा एसले पाँचखाल नगरपालिकाको वडा नम्बर २ र ६ मा पनि वडा कमिटी गठन गरिसकेको छ । अन्य वडामा पनि क्रमशः वडा कमिटी गठन गर्दै जाने नेकपा (एकीकृत समाजवादी) पाँचखाल नगर कमिटी अध्यक्ष रविन्द्र सिपखानले बताउनुभयो ।
Facebook Comments