नेकपा (एकीकृत समाजवादी) असल ‘बीउ’ हो- सांसद लम्साल

बागमती प्रदेशका सांसद एवं नेकपा (एकीकृत समाजवादी) का प्रदेश कमिटी सचिब लक्ष्मण लम्सालले आफुहरूसंग सहि विचार र सिद्धान्त रहेको दाबी गर्नुभयो ।

आज आफ्नै निर्वाचन क्षेत्रमा पर्ने पाँचखाल नगरपालिका वडा नम्बर ३ मा वडा कमिटी भेलालाई सम्बोधन गर्दै सांसद लम्सालले नेकपा (एकीकृत समाजवादी) असल ‘बीउ’ भएकाले उत्पादन राम्रो दिने बताउनुभयो ।

‘नेकपा (एकीकृत समाजवादी) असल ‘बीउ’ हो । उत्पादन राम्रो दिनेछ । तपाईहरू नआत्तिई लाग्नुहोस् । यो पार्टीमा अहिले लोभी पापी छैन् । संगठीत भएर लागौं । पार्टीको नाम र चिन्ह प्रविधिक कुरा मात्रै हो । हामी कमजोर छैनौं, सांसद लम्साल भन्नुभयो ।’

सासद लम्सालले एमाले र सूर्य चिन्हको आडमा जे पायो त्यहि गर्ने छुट कोहि कसैलाई छुट नरहेको सांसद लम्साल बताउनुभयो । ‘पार्टी र चिन्हको आडमा भ्रष्टाचार र अनैतिक काम गर्ने छुट कसैलाई छैन् । तर अहिले एमाले र सूर्य चिन्हलाई देखाएर केहि काभ्रे जिल्लामा केहि ब्यक्तिले ब्रम्हलुट मच्चाईरहेका छन् । यसलाई चिर्न आवश्यक छ, सांसद लम्साल भन्नुभयो ।’

जनताको भावना विपरित अकुत सम्पत्ति कमाउन खोज्दा सिंगो जिल्लाको बदनाम भएको सांसद लम्सालको भनाई छ । ‘जनताको घरदैलोमा विकास निर्माणको आवश्यकता छ । तर जनताले निर्वाचित गरेर पठाएको प्रतिनिधि झुट र भ्रष्टाचारमा लिप्त छ । उसैको एउटा झुण्डले अरूले गरेको विकास निर्माणलाई जनता माझ भ्रम छर्न लागिपरेका छन् । सांसद लम्साल भन्नुभयो ।’