एमाले काभ्रेको भुम्लु गाउँपालिका कमिटीमा नेकपा (एकीकृत समाजवादी) पार्टीमा सनाखत गर्नुभएकी कार्यपालिका सदस्य उर्मिला बराईली उपसचिबमा चयन हुनुभएको छ ।
हिजो सकिएको पालिका अधिवेशनले बराईलीलाई उपसचिबमा चयन गरेको हो । भुम्लु गाउँपालिकाको वडा नम्बर ८ बाट गाउँ कार्यपालिका सदस्य रहनुभएकी बराईलीले यस अघि नेकपा (एकीकृत समाजवादी) मा सनाखत गर्नुभयो थियो ।
उहाँ एमालेबाट विद्रोह गरेर बनेको (एकीकृत समाजवादी) मा रहने भन्दै जिल्ला निर्वाचन कार्यालयमा आएर सनाखत गर्नुभएको थियो । तर पालिका अधिवेशन एमालेको उपसचिबमा चयन हुनुभएको हो ।
मिलिजुली खबरसंग संक्षिप्त कुराकानी गर्दै सहसचिबमा चयन हुनु भएकी बराईलीले जनताको बिश्वासको कदर गर्दै आफु फेरी एमालेमै फर्किएको बताउनुभयो । ‘आफ्नो धरातल बिर्सनु गतल रहेछ । जनाताको विश्वासलाई कदर गर्दै एमालेमै सक्रिय भएको हुँ । पार्टीले विश्वास गर्यो । सहसचिबको जिम्मेवारी सफलता पूर्वक पुरा गर्छु, बराईलीले भन्नुभयो ।’
१० वडा रहेको भुम्लु गाउँपालिकामा अध्यक्ष, उपाध्यक्ष र ५ जना वडाध्यक्ष सहित ३२ जना जनप्रतिनिधि एमालेबाट निर्वाचित बनेका थिए । त्यहाँको उपाध्यक्ष कल्पना श्रेष्ठ, दुई जना वडाध्यक्ष, दुई जना कार्यपालिका सदस्य र ६ जना वडा सदस्य गरी ११ जना जनप्रतिनिधिले नेकपा (एकीकृत समाजवादी) पार्टीमा सनाखत गरेका थिए ।
एमालेको अधिवेशनबाट भुम्लु गाउँपालिका कमिटीको अध्यक्षमा कृष्णमान लामा निर्वाचित हुनुभएको छ । उपाध्यक्षमा लोक बहादुर कुँवर, सचिबमा छ्त्र श्रेष्ठ, उपसचिबमा अमर लामा र उर्मिला बराइली निर्बाचित भएको छ ।
Facebook Comments