एमाले काभ्रेको पालिका अधिवेशन: मण्डनदेउपुरमा सबैभन्दा बढी विवाद

एमाले काभ्रेको पालिका अधिवेशनमा सबैभन्दा बढी विवाद मण्डनदेउपुर नगरपालिकामा देखिएको छ ।

मण्डनदेउपुर नगरपालिकामा पनि नेतृत्वमा निकै पेचिलो बनेको छ । नेतृत्व विवाद मण्डनदेउपुर नगरपालिकामा चरमउत्कर्षमा पुगेको छ ।

जहाँ विदुर सापकोटा, कुमार भट्टराई, झलक पौडेल, जित बहादुर तामाङ, शेर बहादुर डाेटेल, सुमन नेपाल, हाेम प्रसाद चौलागाई, राधाकृष्ण बस्ताकाेटि र रूद्र तामाङले अध्यक्षको लागि दाबी प्रस्तुत गर्नुभएको छ । त्यस मध्ये रूद्र तामाङले आफ्नो दाबी फिर्ता लिएको स्रोतले जनाएको छ ।

अधिवेशनमा सहभागी प्रतिनिधि विवाद भएपछि हुँदा मण्डनदेउपुर नगरपालिकामा विवाद चुलिएको हो । अध्यक्षमा दाबी गरेका अधिकांशहरू वडाबाट प्रतिनिधि नआई, जिल्लाले हस्तक्षेप गर्न खोजेको भन्दै हलमा उपस्थित प्रतिनिधिले अस्वीकार गरेपछि सबैले अध्यक्षको दाबी फिर्ता लिएका छन् । अधिवेशन अनिश्चित बनेको हो ।

आज भएको १३ मध्ये १० पालिकाको अधिवेशन मध्ये पनौती नगर कमिटीको अध्यक्षमा शुरेश हुमागाइ,
धुलिखेल नगर कमिटीको अध्यक्षमा दयाराम महत,
पाँचखाल नगर कमिटीको अध्यक्षमा बिष्णु पौडेल चयन हुनुभएको छ ।

चौरी देउराली गाउँपालिका कमिटीको अध्यक्षमा जितराम लामा, महाभारत गाउँपालिका कमिटी अध्यक्षमा जगत मोक्तान, भुम्लु गाउँपालिका कमिटी अध्यक्षमा कृष्ण मान तामाङ र तेमाल गाउँपालिका कमिटी अध्यक्षमा इन्द्रमान तामाङ चयन हुनुभएको छ ।