एमाले देशब्यापी रूपमा भत्किन्छ-झाँकी

नेकपा (कीकृत समाजवादी) का केन्द्रीय सचिब एवं शहरी विकास मन्त्री राम कुमारी झाँक्रीले एमाले देशब्यापी रूपमा भत्किने दाबी गर्नुभएको छ ।

नेकपा (कीकृत समाजवादी) धुलिखेल नगर कमिटीले आयोजना गरेको शुभकामना आदान प्रदान कार्यक्रमलाई सम्बोधन गर्दै केन्द्रीय सचिब झाँक्रीले एमालेबाट आफुहरूले सिधा-सिधा विद्रोह गरेको बताउनुभयो ।

‘हामीलाई केहिले यसअघिको माले जस्तै हुन्छ भनेर खिसिट्युरी पनि गर्छन् । कुनै पनि पार्टी ठूलो भएर निर्वाचन आयोगले दर्ता हुने होईन । र हामी अनीहरूले आँकलन गरे जस्तो सानो पनि छैनौ । हामी एमालेबाट विद्रोह गरेका हौँ । एमाले देशब्यापी रूपमा भत्किँदै जाने छ। ढुक्क हुनुहोस्, केन्द्रीय सचिब झाँक्रीले भन्नुभयो ।

सचिब झाँक्रीले ९ औं महाधिवेशन पछि नै केपी ओलीले एमाले फुटाएको जिकिर गर्नुभयो । दुई तिहाईको हाराहारीमा मत दिएर ओलीलाई सरकारको नेतृत्व गर्न पठाउँदा पनि जनताको हित हुने कुनै काम गर्न नसकेको उहाँको टिप्पणी थियो ।

‘इच्छा लाग्दा एकाता, ईच्छा नलाग्दा विभाजन ओली प्रवृत्ति हो । ओलीले नेकपा मात्रै होईन एमाले पनि फुटाए । एक्लै हिड्ने ओलीको प्रयास अहिले मात्रै होईन । पुरानै हो । ओलीको आचारणमा लोकतन्त्र भेटिँदैन, सचिब झाँक्रीले भन्नुभयो ।’