काभ्रेमा आज २४ जना संक्रमित निको भए, सक्रिय संक्रमितको संख्या ३६ मा झर्यो

काभ्रेमा २४ जना कोरोना संक्रमित निको भएका छन् ।

स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाका अनुसार आज एकैदिन यति धेरैले कोरोना निको भएका हुन् ।

योसंगै जिल्लामा सक्रिय संक्रमितको संख्या ३६ मा झरेको छ । जस मध्ये ३३ जना होम आईसोलेसनमा र ३ जना अस्पतालको आईसोलेसनमा छन् ।

अहिले सबैभन्दा बढी संक्रमित धुलिखेल नगरपालिका र बेथानचोक गाउँपालिकामा ७/७ जना छन् । पाँचखाल र बनेपा नगरपालिकामा ६/६ जना सक्रिय संक्रमित छन् ।

त्यस्तै पनौती ५ जना र नमोबुद्ध नगरपालिका २ जना सक्रिय संक्रमित रहेको स्वास्थ्य कार्यालय काभ्रेले जनाएको छ । मण्डनदेउपुर नगरपालिका, तेमाल र भुम्लु गाउँपालिकामा १/१ जना सक्रिय संक्रमित रहेका छन् ।