रोशी गाउँपालिकाका अध्यक्ष लामाले लगाए सेतो टिका, अरूलाई लगाईदिए रातो टिका

रोशी गाउँपालिकाका अध्यक्षमा निवार्चित भएर आफ्नो कार्यकालको अन्तिममा रहेनु भएका अध्यक्ष डिबी लामाले कार्यालयमै हर्ष उल्लासका साथ यो बर्षको दशैलाई बिदाई गर्नुभएको छ ।

दशैंको समापन गर्दै अध्यक्ष लामाले सामाजिक सञ्जाल फेसबुक लेख्नु भएको छ: ‘गाउँपालिका भित्रका ईच्छुक जनप्रधीनिधि तथा कार्यरत ईच्छुक कर्मचारी साथिहरुसँग शुभ कामना, टिका, प्रसाद तथा आशिर्वाद आदान प्रदान गर्दै आज कोजाग्रत पुर्णिमाको दिन २०७८ सालको वडा दशैं समापन गरियो ।

तपाईं हामी जहाँ पुगे पनि जहाँ रहे पनि यो अवसर अविस्मरणीय क्षणको रुपमा हामी सबैको मानस्पटलमा रहिरहने छ भन्ने बिस्वाश लिएको छु ।

हामी बिचको समन्वय सहयोग कहिल्यै भुल्ने छैन ।
सबै खालका धर्म कला संस्कृतिको संरक्षण सहित उत्सवमा उत्साहित हुनु हाम्रो दायित्व भित्र पर्दछ । त्यसको अलावा पालिकामा आफ्नो कार्य सम्पादनको क्रममा जत्ती नै चुनौतिपुर्ण रहे पनि उर्जाशिल जनप्रधीनिधिहरु र अनुभवी कर्मचारी साथिहरुको सहयोगले आफ्नो कार्यकालको अन्तिम दशै आइपुगेको पत्तै नपाएकोमा यहाँहरुको माया सदभाव सहयोगकोलागी हार्दिक आभार सहितको धन्यवाद ट्यक्राउदै !

हामी जहाँ रहे पनि सबै साथिहरुको आगामी दिनहरुको दशैहरु सुनौलो र खुशिमय होस । फेरी पनि सबैमा हार्दिक शुभ कामना !’

रातो र सेतो छुट्टाछुट्टै थालीमा टिका मुझिएको थियो ।
अध्यक्ष लामाले आफ्नो धर्म, संस्कृति र परम्परा अनुसार सेतो टिका लगाउनु भएको थियो । रातो टिका लगाउने समुदायका जनप्रतिनिधि र कर्मचारीलाई अध्यक्ष लामाले रातो टिका लगाएर आर्शिवाद र दक्षिणा दिनु भएको थियो ।