तिहारको पर्खाइमा बनेपाको बालागाउँमा फुलेका सयपत्री

काभ्रेको बनेपा नगरपालिका वडा नम्बर १ बालागाउँका पवन घिमिरेको बारीमा ढकमक्क सयपत्री फुलेको छ ।

यो बर्ष पहिलो पटक परिक्षणका लागि लगाएको सयपत्री मन नै लोभ्याउने गरिको फुलेको हो । पहिलो वर्ष भएकाले १ रोपनी जग्गामा मात्रै सयपत्री लगाइएको प्रदिप एण्ड प्रनिसा कृषि तथा पशुपंक्षि फर्मका सञ्चालक घिमिरेले बताउनुभयो ।

तिहारमा मालाका लागि सयपत्री फूल फुलिसकेको सञ्चालक घिमिरेले बताउनुभयो । ‘पहिलो बर्ष भएकाले थोरै जमिनमा मात्रै लगाएको थिए । फूल गुणस्तरीय छ । सबै फूल तिहारमा मालाको रूपमा बिक्री गर्ने योजना छ, घिमिरेले भन्नुभयो ।’

माला प्रति वटा २ सय रूपैयाँका दरले बिक्री गरिने घिमिरेले बताउनुभयो ।