नेपाली कांग्रेसका सभापति शेर बहादुर देउवा नेतृत्व सरकारले एमाले अध्यक्ष केपी शर्मा ओली सरकारले गरेको नियुक्ति धमाधम बर्खास्त गरेको छ ।
आज बसेको मन्त्रिपरिषद् बैठकले राष्ट्रिय खेलकुद परिषद्का सदस्य सचिव रमेश सिलवाल, राष्ट्रिय युवा परिषद्का कार्यकारी उपाध्यक्ष माधव ढुंगेल र युवा तथा साना व्यवसायी स्वरोजगार कोषका कार्यकारी उपाध्यक्ष देवराज रोकालाई बर्खास्त गरेको हो ।
मन्त्रिषरिषद्को बैठकले सिलवाल, ढुंगेल र रोकालाई बर्खास्त गर्ने निर्णय गरेको गरेको हो ।
‘यसअघिको सरकारबाट राजनीतिक नियुक्ति पाएका व्यक्तिलाई नयाँ सरकारले स्पष्टिकरण सोधेको थियो । चित्तबुझ्दो भएन र कारबाही गरियो,’ एक मन्त्रीले भने ।
तीन जनालाई नै बर्खास्त गरेको निर्णयबारे सरकारका प्रवक्तासमेत रहेका सञ्चार तथा सूचना प्रविधिमन्त्री ज्ञानेन्द्रबहादुर कार्कीले भने औपचारिक जानकारी दिनुभएको थिएन ।
सिलवाल, ढुंगेल र रोकालाई केपी शर्मा ओली नेतृत्वको सरकारले राष्ट्रिय खेलकुद परिषद्, राष्ट्रिय युवा परिषद् र युवा तथा साना व्यवसायी स्वरोजगार कोषमा नियुक्त गरेको थियो ।
Facebook Comments