नेपाली कांग्रेस भुम्लु गाउँपालिकाका सभापति दावा लामाले विपन्न परिवारलाई खाद्यान्न र आर्थिक सहयोग प्रदान गर्नुभएको छ ।
सभापति लामाले नजिकिदै गरेको बडा दशैको अवसर पारेर भुम्लु गाउँपालिका वडा नम्बर ६ कोलातीका केही विपन्न परिवारलाई खाद्यान्न र आर्थिक सहयोग प्रदान गर्नु भएको हो ।
‘खाद्यान्न र आर्थिक अभावमा कोहि कसैको पनि चाडपर्व खल्लो नहोस् भनेर सहयोग गरेको हुँ । सक्नेले नसक्ने घर परिवारलाई सहयोग गर्दा भाईचाराको सम्बन्ध पनि बलियो हुन्छ, सभापति लामाले भन्नुभयो ।’
सभापति लामाले आज र भोली दुईदिन भुम्लु गाउँपालिकामा जन्मिएर विभिन्न पेसा र ब्यवसायका लागि काठमाडौँ आएर बस्ने सर्वसाधारण गाउँसम्म नि:शुल्कमा बसको ब्यवस्था समेत गरिदिनु भएको छ ।
सभापति लामाले लकडाउनका कारण खाद्य समस्या भोगेका भुम्लु गाउँपालिकाका बिभिन्न वडाका गरिब, अति विपन्न र विपन्न परिवारलाई ठूलो मात्रामा खाद्यान्न सहयोग गर्नुभएको थियो ।
Facebook Comments