काभ्रेको बेथानचोक गाउँपालिकाको ग्वाभञ्ज्याङमा सुख्खा पहिरोका कारण सडक अवरुद्ध भएको छ ।
विगत चारदेखि ग्वाभञ्ज्याङ क्षेत्रमा सुख्खा पहिरो खसिरहेकाले सडक अवरुद्ध भएको प्रमुख प्रशासकीय अधिकृत राजेन्द्र भण्डारीले जानकारी दिनुभयो । गाउँपालिकाको अनुगमन समितिले दिएको प्रारम्भिक प्रतिवेदन अनुसार सुख्खा पहिरो खस्ने क्रम नरोकिएकाले वडा नम्बर २ हुँदै च्याम्राङवेशी जाने मुख्य सडक बन्द गरिएको हो ।
अर्को सूचना जारी नहुँदासम्म वडा नम्बर १ च्याम्राङवेशी जाने मुख्य सडक प्रयोग नगर्न प्रमुख प्रशासकीय अधिकृत भण्डारीले आग्रह गर्नुभयो । पहिरो निरन्तर खसिरहेकाले पहिरो वरपर नजान सर्वसाधारणलाइ गाउँपालिकाले अनुरोध गरेको छ ।
वडा नम्बर १ पुग्ने बैकल्पिक ग्वाभञ्ज्याङ-भालुछाप्रा हुदै थलागाउँ सडक खुलाउन सुरू गरिसकेको गाउँपालिकाले जनाएको छ । पहिरो रोकथामको प्रयास भैरहेको पालिकाले जनाएको छ ।
Facebook Comments