काभ्रेको मण्डनदेउपुर नगरपालिकाका सामुदायिक विद्यालय दशैं तिहारको बीचमा नखुल्ने भएका छन् ।
नगर शिक्षा समितिको हिजो बसेको बैठकले दशैं तिहारको बीचमा विद्यालय नखोल्ने निर्णय गरेको हो । आजदेखि बन्द हुने विद्यालय अब तिहारपछि मात्रै खुल्ने प्रमुख प्रशासकीय अधिकृत प्रणराज न्यौपानेले जानकारी दिनुभयो ।
जिल्लाका कतिपय नगरपालिकाले दशैं तिहारको बीचमा पनि भौतिक रूपमा उपस्थित भएर पठनपाठन गर्न निर्देशन दिएका छन् । मण्डनदेउपुर नगरपालिकाले स्वास्थ्य सुरक्षाको मापदण्ड अपनाएर लकडाउनका बेला पनि पठनपाठनलाई जारी राखेको थियो । अन्य स्थानीय तहमा पठनपाठन ठप्प थियो ।
Facebook Comments