पाँचखाल नगरपालिका-९ मा पलान्चोक माविको नयाँ भवन उद्घाटन

काभ्रेको पाँचखाल नगरपालिका वडा नम्बर ९ मा रहेको पलान्चोक भगवती माध्यामिक विद्यालयको नयाँ भवन उद्घाटन गरिएको छ ।

नगरप्रमुख महेश खरेलले आज नयाँ भवनको उद्घाटन गर्नुभएको हो । पाँचखाल नगरपालिकाको ६८ लाख रूपैयाँ आर्थिक सहयोगमा ८ कोठे पक्की भवन निर्माण भएको वडाध्यक्ष किरण श्रेष्ठले जानकारी दिनुभयो ।

नयाँ भवन बनेपछि विद्यार्थीलाई पठनपाठन गर्न थप सजिलो भएको छ । नगरप्रमुख खरेलले विद्यालयको प्राङ्गणमा स्थापना गरिएको सरस्वतीको मुर्तिको पनि अनावरण गर्नुभएको छ ।