भुम्लु गाउँपालिकाका ठकुरीको घरमा छानो छाउन सभापति लामाको सहयोग

नेपाली कांग्रेस भुम्लु गाउँपालिकाका सभापति दावा लामाले वडा नम्बर ९ का दिपक ठकुरीको घरको छानो छाउन आर्थिक सहयोग गर्नुभएको छ ।

आर्थिक अभाबका कारण भुकम्पमा भत्किएको आफ्नो आबास पुन: निर्माण गरेपनि छाउन नसकेर बिचल्नीमा पर्नु भएका ठकुरीलाई सभापति लामाले आर्थिक सहयोग गर्नु भएको हो ।

आर्थिक सहयोगपछि ठकुरी परिवारमा खुशी छाएको छ । तरूण दलको बागमती प्रदेश उपाध्यक्ष तथा जिल्ला अध्यक्ष समेत रहनुभएका सभापति लामाले भुम्लु गाउँपालिकाका स्थानीयका विभिन्न सहयोग गर्दै आइरहनुभएको छ ।

सभापति लामाले लकडाउन कारण रोजगार गुमाएर समस्यामा परेकालाई खाद्यान्न सहयोग देखि नि:शुल्क बसको समेत ब्यवस्था गर्नुभएको थियो । यो पटकको दशैमा काठमाडौँबाट गाउँ फर्कने भुम्लु गाउँलिका बासीका लागि नि:शुल्क बसको ब्यवस्था गरेएको सभापति लामाले जानकारी दिनुभयो ।