भुम्लु गाउँपालिकामा कांग्रेसको नयाँ कार्य समिति बैठकले गर्यो ‘तीन’ महत्वपूर्ण निर्णय

काभ्रेको भुम्लु गाउँपालिकामा कांग्रेसको नयाँ कार्य समितिको बैठक बसेको छ ।

नयाँ नेतृत्व आएपछि बसेको पहिलो बैठकले बिभिन्न महत्वपूर्ण निर्णय गरेको छ । हिजो बसेको बैठकले भुम्लु गाउँपालिका कार्य समिती सदस्यमा धन बहादुर तामाङलाई मनोनित गर्ने सर्बसम्मत निर्णय गरेको गाउँपालिका सभापति दावा लामाले जानकारी दिनुभयो ।

बैठकले अर्को महत्वपूर्ण निर्णय पनि गरेको छ । बैठकले दशैं बनाउन काठमाडौंबाट गाउँ फर्कने भुम्लु गाउँपालिकाका नागरिकराई निःशुल्क बस ब्यवस्था गर्ने निर्णय गरेको हो ।

बैठकले असोज २४, २५ र २६ गते निःशुल्क बसको ब्यवस्था गर्ने निर्णय गरेको सभापति लामाले बताउनुभयो । अघिल्लाे दशैमा पनि सभापति लामाले काठमाडौ बसोबास गर्ने भुम्लु गाउँपालिका बासीका लागा बसकाे ब्यबस्था गर्नु भएको थियो ।

बैठकले भुम्लु गाउँपालिका भित्रका सबै वडामा कांग्रेसको वडा कार्यालय स्थापना गर्ने निर्णय पनि गरेको छ ।