धुलिखेल-२, देउरालीमा सारथी बहुउद्देश्य सहकारी संस्थाको संकलन केन्द्र सञ्चालन

सारथी बहुउद्देश्यीय सहकारी संस्था लिमिटेडले धुलिखेल नगरपालिकाको वडा नम्बर २ देउरालीमा संकलन केन्द्र सञ्चालनमा ल्याएको छ ।

सारथीले आजबाट देउरालीमा संकलन केन्द्र सञ्चालनमा ल्याएको हो । संकलन केन्द्रको उदघाटन बागमती प्रदेश दुग्ध बिकास बोर्डका कार्यकारी उपाध्यक्ष टीका बल्दभ सापकोटाले गर्नुभएको थियो ।

सारथी बहुउद्देश्यीय सहकारी संस्था लिमिटेडको यो दोस्रो संकलन केन्द्र हो । देउरालीमा संकलन केन्द्र स्थापना भएपछि देवीटारका बचत कर्तालाई समेत सजिलो हुने संस्थाका अध्यक्ष दिलिप शर्माले बताउनुभयो ।