राजधानी पूर्वको मुख्य ब्यापारिक केन्द्र काभ्रेमा बजार अनुगमनको पटो अत्यन्तै कमजोर बनिरहेको छ ।
काभ्रेमा बजार अनुगमन गर्न कि त चाडपर्व आउनै पर्छ । कि त कसैले उजुरी दिनै पर्छ । नत्र नियमित बजार अनुगमन गर्न कुनै पक्ष तयार छैन् ।
देशको राज्य पुनर्संरचनासंगै धेरै भन्दा धेरै अधिकार स्थानीय तहसंग छ । कतिले त्यो अधिकार प्रयोगमा ल्याउँछन्, कतिले ल्यादैनन् ।
कानुनले बजार अनुगमनको सबै अधिकार स्थानीय तहलाई दिएको छ । तर उनीहरु बजार अनुगमन मन लगाएर गर्दैनन् ।
बेला बेला जिल्ला प्रशासन कार्यालयले बजार अनुगमन गर्छ । प्रशासनलाई पनि बजार अनुगमन गर्न कि त चाडपर्व नै आउनुपर्छ । कि त लकडाउन वा त्यस्तै संकट ।
आज पनि काभ्रेका सहायक प्रमुख जिल्ला अधिकारी अमरदीप सुनुवारले नेतृत्व गरेको एक टोली पनौती बजार बजार पुग्यो । केहि पसल हेर्यो र फर्कियो । अनुगमन टोलि आएको खबर पाएपछी पनौतीका व्यवसायीले सटर बन्द गरे । कयौँ भागारा भाग भए ।
सहायक प्रमुख जिल्ला अधिकारी सुनुवारको टोलीले पनौती बजारका मासु पसल, किराना पसल, होटल, डेरी, औषधी पसल र एग्रोभेट पसल अनुगमन गर्यो । यदि नियमित बजार अनुगमन हुन्थ्यो भने अनुगमन टोली देखेर ब्यापारीहरू तर्सीदैन थिए ।
अहिले स्थानीय तहमा जिल्लाका प्राय जसो दैनिक जीवनमा सहयोग गर्ने सबै सेवा प्रदायक शाखा छन् । उनीहरूले पनि चासो दिएर आ आफ्नो क्षेत्रको बजार ठगी मुक्त बनाउन सक्छन् । चुस्त दुरुस्त बजार राख्न सक्छन् ।
तर उनीहरू त्यो हिम्मत देखाउँनै चाहँदैनन् । अर्थात् अधिकार छ । प्रयोग गर्दैनन् । यसो गर्नु भनेको कार्यान्वयन गर्ने पक्षले नै कानुनको धज्जी उडाउनु हो ।
पनौतीमा आज १३ वटा पसल अनुगमन गरिएको घरेलु तथा साना उद्योग कार्यालयका प्रमुख केशवप्रसाद पुडासैनीले जानकारी दिनुभयो । टोलीले मासु पसल, होटल, औषधी पसल, किराना पसलको अनुगमन गरेको थियो ।
कर्माचार्य फर्माबाट म्याद नाघेका औषधीहरु फेला पारिएको म्याद नाघेका ३२ बोटल विभिन्न औषधि र दुइ पत्ता चक्की औषधि नष्ट गरिएको बताइएको छ ।
अनुगमन टोलीमा सहायक प्रजिअ सुनुवार, भेटनरी अस्पताल तथा पशु सेवाका विज्ञ डा. मगोल प्रसाद शाह, पनौती नगरपालिकाका बरिष्ठ प्रशासकीय अधिकृत इन्द्रप्रसाद अधिकारी, इलाका प्रह री कार्यालय बनेपका प्रह री निरीक्षक राजन कोइराला, पनौती उद्योग बाणिज्य संघका उपाध्यक्ष भरतचरण श्रेष्ठ, लगायतका सरोकारवाला सहभागी थिए ।
Facebook Comments