एकैदिन मण्डनदेउपुर नगरपालिकाको ५ र ६ नम्बर वडामा नेकपा (एस) को सानदार विस्तारित भेला

काभ्रेमा संगठन विस्तारलाई तीब्रता दिएको नेकपा (एकीकृत समाजवादी) ले मण्डनदेउपुर नगरपालिकाको दुई वटा वडामा एकैदिन संगठनलाई पूर्णता दिएको छ । नेकपा (एकीकृत समाजवादी) ले मण्डनदेउपुर नगरपालिकाको ५ र ६ नम्बर वडामा विस्तारित बैठक सम्पन्न गरेको हो ।

वडा नम्बर ५ को विस्तारित बैठकले देवि प्रसाद ढकाल अध्यक्ष रहेको ३१ सदस्यीय वडा कमिटी गठन गरेको छ । वडा कमिटीको उपाध्यक्षमा रमेश ढकाल, सचिबमा टीका राम डोटेल र उप सचिबमा निल बहादुर शिवभक्ति रहनुभएको छ ।

आजै वडा नम्बर ६ मा पनि वडा कमिटीलाई पूर्णता दिईएको छ । दुबै वडाका प्रमुख अतिथि बिस्तारित बैठकलाई संविधान सभा सदस्य एवं एकीकृत समाजवादि पार्टीका केन्द्रिय प्रतिनिधि कृष्ण प्रसाद सापकोटा, विशेष अतिथिहरु बागमती प्रदेशका सांसद एवं जिल्ला पार्टी उपाध्यक्ष बसुन्धरा हुमागाई, जिल्ला अध्यक्ष एवं मण्डनदेउपुर नगरपालिकाका नगरप्रमुख टोक बहादुर वाईबा हुनुहुन्थ्यो ।

असोज १५ गतेभित्र नगरपालिकाका सबै वडाहरूमा वडा कमिटी गठन गर्ने गरी तयारी थालिएको अध्यक्ष गोकुल गौतमले जानकारी दिनुभयो ।