कांग्रेस भुम्लु गाउँपालिकाको सभापतिमा युवा नेता दावा लामा सर्बसम्मत निर्वाचित

कांग्रेस भुम्लु गाउँपालिकाको सभापतिमा युवा नेता जितेन्द्रमान तामाङ (दावा) सर्बसम्मत निर्वाचित हुनुभएको छ । आज सकिएको पालिका अधिवेशनबाट सभापतिमा लामा सर्बसम्मत निर्वाचित हुनुभएको हो ।

सभापतिमा सर्बसम्मत निर्वाचित लामा तरूण दल काभ्रेको सचिव र बागमती प्रदेश दरूण दलको उपाध्यक्ष समेत रहनुभएको छ । समाजसेवीको रूपमा समेत लामा चिनिनुहुन्छ । नवनिर्वाचित गाउँपालिका सभापति लामाले लकडाउनका कारण छाक टार्न समस्या परेका सयौ भुम्लु गाउँपालिकाका स्थानीयलाई खाद्यान्न सहयोग गर्नुभएको थियो ।

त्यस्तै घर जान गाडी भाडा नभएका भुम्लु गाउँपालिकाबासी आफ्नो ब्यक्तिगत खर्चमा घरसम्म पुर्याएर सहयोग गर्नुभएको थियो । कांग्रेसका युवा माझ छुट्टै पहिचान सफल नवनिर्वाचित गाउँपालिका सभापति लामाले आगामी स्थानीय तहको निर्वाचनमा पालिका अध्यक्षको उम्मेदवारका लागि पार्टीभित्र आफुलाई मुख दाबेदारको रूपमा समेत उभ्याउनु भएको छ ।

नवनिर्वाचित गाउँपालिका सभापति लामाको टिममा उपसभापतिमा प्रेम लामा तामाङ र अनिता भण्डारी, सचिबमा सदिक्षा स्याङतान र अन्नतराज लामा, सहसचिबमा सुशन लामा र केशब महत निर्वाचित हुनुभएको छ ।

सदस्यहरूमा उषा लामा, बिमला पराजुली, नानीमाया पन्त, ईन्द्र कुमारी महत, अपला लामा, हिरा कुमारी लामा, सुरज लामा, प्रकाश तामाङ, रञ्जना लामा, रमिता तामाङ, भोलाराज गिरी, देब बहादुर पहरी, रविन लामा, सावित्री माझी, खड्कमान श्रेष्ठ, बिना श्रेष्ठ, सुन्दर कुमार लामा रहनु भएको छ ।

त्यसैगरि सुनिल कुमार उप्रेती, रेशम बहादुर माझी, ललित बहादुर खत्री, बल बहादुर खड्का, मनोज कुमार खड्का, सानु परियार, रामशरण पराजुली र सुबास पराजुली सहित ३६ जना निर्वाचित हुनुभएको छ ।