काभ्रे कांग्रेस पालिका अधिवेशन: पाँचखाल, पनौती र रोशीमा सभापति निर्विरोध निर्वाचित

कांग्रेस काभ्रेको पालिका अधिवेशन चलिरहेको छ । १३ वटै स्थानीय तहमा अधिवेशन भैरहेको हो । कोशीपारी र डाँडापारी क्षेत्रमा पर्ने स्थानीयहरूमा पनि कांग्रेसको अधिवेशन भैरहेको छ ।

अहिलेसम्म प्राप्त विवरण अनुसार पाँचखाल, पनौती नगरपालिका र रोशी गाउँपालिकामा सभापति निर्विरोध निर्वाचित भएका छन् । पाँचखाल नगरपालिकाको नगरसभापता सञ्जय तामाङ, पनौती नगरपालिकामा रामशरण भण्डारी र रोशी गाउँपालिकामा दूधराज लामा निर्विरोध निर्वाचित हुनुभएको हो ।

बनेपा र धुलिखेल नगरपालिका र बेथानचोक गाउँपालिकामा मतदान भैरहेको छ । मण्डनदेउपुर नगरपालिकामा मतदान सकिएको छ । बेथानचोकमा उपसभापतिमा डिकमान लामा र ज्ञान बहादुर लामा निर्विरोध निर्वाचित हुनुभएको खबर प्राप्त भएको छ ।