कांग्रेस नमोबुद्ध नगरसभापतिमा नयाँ ट्विस्ट, मधु प्यानलबाट पत्रकार पाण्डेले दर्ता गरे उम्मेदवारी

काभ्रे कांग्रेसको नमोबुद्ध नगर सभापतिमा पत्रकार रोशन पाण्डेले उम्मेदवारी दर्ता गराउनु भएको छ ।
यसअघि मधु आचार्य प्यानलबाट नमोबुद्ध नगरपालिकाको नगरसभापतिमा प्रस्ताव गरिएका ईन्द्र बहादुर दाहाल र शिव हुमागाईं प्यालनबाट कुन्साङ लामा बीच सहमति भएको केहि समय बित्न नपाउँदै मधु आचार्य प्यानलबाट पत्रकार पाण्डेले उम्मेदवारी दर्ता गराउनु भएको हो ।

नगरसभापतिका दुई प्रत्यासी लामा र दाहालबीच लामा नगरसभापति र दाहाल उपसभापति बन्ने सहमति बनेको थियो । स्थानीय तहको निर्वाचनपछि दाहाललाई कार्यकारी नगरसभापतिको जिम्मेवारी दिनेगरी सहमति बनेको बुझिएको थियो ।

नगरसभापतिका दुई प्रत्यासी बीच सहमति भनेपनि निर्विरोध निर्वाचित भने घोषणा गरिएको छैन् । मधु आचार्य प्यानलबाट अर्कै उम्मेदवार आउने सक्ने आँकलन शिव हुमागाईं प्यालनले गरेको छ ।

नमोबुद्ध नगर सभापतिमा हाल सम्म पाण्डे र कुन्साङ लामाको उम्मेदवारी दर्ता भएको छ ।