एमालेको भ्रातृ संगठन अनेरास्ववियू केन्द्रीय कमिटीमा जिम्मेवारी बाँडफाँड गरिएको छ । आज काठमाडौंमा भएको केन्द्रीय सचिवालयको पूर्ण बैठकले नयाँ जिम्मेवारी बाँडफाँड गरेको हो ।
नयाँ जिम्मेवारी बाँडफाँड हुँदा केन्द्रीय कमिटीमा काभ्रेको बर्चस्व देखिएको छ । अनेरास्ववियूको केन्द्रीय महासचिवको जिम्मा काभ्रेका समिक बडाल र कोषाध्यक्षको जिम्मा जेनिस लामाले पाउनु भएको छ ।
सचिवालय सदस्यमा शालिकराम पराजुली, हरि चन्द धिमिरे, उपेन्द्र शर्मा, निरोज पाण्डे, नबराज ढकाल, रूपक खनाल लगायतका विद्यार्थी नेताहरू चयन हुनुभएको छ । एमाले निकट विद्यार्थी संगठन अनेरास्वबियुले नेतृत्व परिवर्तनसँगै महाधिवेशन मिति तोकेको छ । आज सम्पन्न सचिवालय बैठकले अध्यक्षमा सुनिता बराललाई चयन गर्दै २३ औं महाधिवेशन मिति तोकेको हो ।
ललितपुरको च्यासलस्थित तुलसीलाल अमात्य प्रतिष्ठानमा बसेको केन्द्रीय सचिवालयको बैठकले चैत २४ देखि २६ सम्म २३ औं महाधिवेशन गर्ने निर्णय गरेको हो । बैठकले महाधिवेशन सम्मका लागि सुनिता बराल अध्यक्ष, आरसी लामिछाने वरिष्ठ उपाध्यक्ष र समीप बराल महासचिव रहने गरी केन्द्रीय कमिटी पुनर्गठन गरेको छ ।
Facebook Comments