मण्डनदेउपुर नगरपालिका-४ का महिलालाई ४ महिने सिलाई बुनाई तालिम

काभ्रेको मण्डनदेउपुर नगरपालिका वडा नम्बर ४ मा सञ्चालन गरिएको आधारभूत सिलाई बुनाई तालिम सकिएको छ । तालिमको आज नगरप्रमुख टोक बहादुर वाईबाले समापन गर्नुभएको हो ।

अाधारभुत सिलाई बुनाई तालिम ४ महिनासम्म चलेको थियो । नगरपालिकाको लक्षित वर्ग कार्यक्रम अन्तर्गत सिलाई बुनाई तालिम सञ्चालन गरिएको वडाध्यक्ष भुवन बजगाईले बताउनुभयो ।

तालिममा सहभागीलाई नगरप्रमुख वाईबाले प्रमाणपत्र वितरण गर्नुभएको थियो । ‘सिकेको सिपलाई ब्यवहारमा उर्तानुस । सिपले मान्छेलाई आत्मनिर्भर बनाउँछ । नगरपालिकाले आवश्यकता र क्षमताको आधारमा सबै नागरिकलाई स्वरोजगार र आत्मनिर्भर बनाउने उद्देश्यका साथ काम गरिरहेको छ । तपाईहरू समूहमा आबद्ध हुनुहोस् । नगरपालिकासंग माग गर्नुहोस्, नगरप्रमुख वाईबाले भन्नुभयो ।’