हेलिकप्टर मार्फत महाभारत गाउँपालिकाको बुढाखानीबाट गर्भवतीको उद्धार

काभ्रेको विकट महाभारत गाउँपालिका वडा नम्बर ५ बुढाखानीबाट गर्भवती महिलाको उद्धार गरिएको छ । बुढाखानी बर्थिङ सेन्टरमा प्रसुती हुन नसकेपछि हेलिकप्टर मार्फत उद्धार गरिएको हो ।

२० वर्षीय अनुशा मोक्तानलाई हेलिकप्टर मार्फत उद्धार गरिएको गाउँपालिकाका प्रवक्ता रविन मोक्तानले जानकारी दिनुभयो । राष्ट्रपति महिला उत्थान कार्यक्रम अन्तर्गत अनुशाको उद्धार गरिएको हो ।