मण्डनदेउपुरको सिपाघाटमा यु एम बचत तथा ऋण सहकारी संस्था लिमिटेडको सेवा केन्द्र सुरू

काभ्रेको मण्डनदेउपुर नगरपालिका वडा नम्बर ६ सिपाघाटमा यु एम बचत तथा ऋण सहकारी संस्था लिमिटेडको सेवा केन्द्र सुरू भएको छ ।

सेवा केन्द्रका उदघाटन नेकपा (एकीकृत समाजवादी) का जिल्ला अध्यक्ष एवं मण्डनदेउपुर नगरपालिकाका नगरप्रमुख टोक बहादुर वाईबाले गर्नु भएको हो । नगरप्रमुख वाईबाले सहकारीको सिद्धान्तलाई पालना गरेर काम गर्न आग्रह गर्नुभयो । नागरिकलाई छिटो र छरितो सेवा दिन उहाँले आग्रह गर्नुभयो । सबै सहकारी एउटै सिद्धान्तमा चल्न उहाँले बताउनुभयो । ‘सहकारीबीच ब्याजमा समानता छैन् । यसलाई कायम राख्नुहोस, नगरप्रमुख वाईबाले भन्नुभयो ।’

कार्यक्रममा वडा नम्बर ६ का वडाध्यक्ष डिल्ली प्रसाद आचार्यले पैसाको कारोबार भन्दा पनि कृषिमा लगानी गर्ने वातावरण बनाउन आग्रह गर्नुभयो । स्थानीय सहकारीसंग पनि समन्वय गरेर काम आफ्नो गतिविधि गर्नु पर्नेमा उहाँले जोड दिनुभयो । सबै शेयर सदस्यलाई सम्मान दृष्टिकोणले हेर्न पनि उहाँले सहकारीलाई आग्रह गर्नुभयो ।

कार्यक्रममा युवा संघ नेपालका केन्द्रीय सचिव भेषराज शाह, काभ्रे जिल्ला बचत तथा ऋण सहकारी संस्थाका कोषाध्यक्ष जितेन्द्र नकर्मी सहित विभिन्न सहकारीकर्मीहरू सहभागी हुनुभएको थियो ।

यु एम बचत तथा ऋण सहकारी संस्था लिमिटेडको आठौं सेवा केन्द्र हो । बनेपामा मुख्य कार्यालय रहेको यो सहकारीले काभ्रे र सिन्धुपाल्चोकलाई कार्य क्षेत्र बनाएर काम गर्दै आएको छ ।

सिन्धुपाल्चोक र काभ्रेका बचत कर्तालाई लक्षित गरेर सेवा केन्द्र स्थापना गरिएको यु एम बचत तथा ऋण सहकारी संस्था लिमिटेडका प्रमुख कार्यकारी अधिकृत रूसन श्रेष्ठले बताउनुभयो । नगरपालिकासंग मिलेर सहकार्य गरेर अघि बढ्ने प्रमुख कार्यकारी अधिकृत श्रेष्ठले बताउनुभयो ।